QR Bilim jáne ǵylym ministriniń buiryǵymen Gúlzat Isbasarqyzy Kóbenova QR Bilim jáne ǵylym ministrliginiń Bilim jáne ǵylym salasynda sapany qamtamasyz etý komitetiniń tóraǵasy laýazymyna taǵaiyndaldy. Bul týraly QR Premer-Ministriniń baspasóz qyzmeti habarlady.
Gúlzat Kóbenova 1978 jyly Aqtóbe oblysynda dúniege kelgen.
Q. Jubanov atyndaǵy Aqtóbe memlekettik ýniversitetin, E. Bóketov atyndaǵy Qaraǵandy memlekettik ýniversitetin támamdaǵan.
Eńbek jolyn 1998 jyly Q. Jubanov atyndaǵy Aqtóbe memlekettik ýniversitetiniń tarih kafedrasynyń oqytýshysy bolyp bastaǵan.
2002-2009 jyldary Q. Jubanov atyndaǵy Aqtóbe memlekettik ýniversitetinde jáne Aqtóbe pedagogikalyq institýtynda basshylyq qyzmetterdi atqardy.
2009 jyldan bastap 2010 jylǵa deiin — QR Mádeniet jáne aqparat ministrliginiń Aqparat jáne muraǵat komitetiniń aqparat basqarmasynyń sarapshysy, basshysy qyzmetterin atqardy.
2010 jyldan bastap 2018 jylǵa deiin QR Bilim jáne ǵylym ministrliginde basshylyq laýazymdarda jumys istedi.
2018-2019 jyldary — QR Tuńǵysh Prezidenti – Elbasy N. Nazarbaev kitaphanasy direktorynyń orynbasary. 2019 jylǵy qańtar-qyrkúiek aralyǵynda QR Prezidenti Keńsesiniń sektor meńgerýshisi jáne inspektory laýazymdaryn atqardy.
2019 jylǵy qyrkúiekten bastap 2020 jylǵy qańtarǵa deiin — QR BǴM Bilim jáne ǵylym salasyndaǵy baqylaý komitetiniń tóraiymy.
2020 jylǵy qańtardan bastap qazirge deiin QR BǴM Bilim jáne ǵylym salasynda sapany qamtamasyz etý komitetiniń tóraǵasy bolyp jumys istedi.
