QR Prezidenti Qasym-Jomart Toqaevtyń Jarlyǵymen Ashat Aimaǵambetov Qazaqstan Respýblikasynyń Bilim jáne ǵylym ministri qyzmetine taǵaiyndaldy, dep habarlaidy "Ult aqparat" Aqordaǵa silteme jasap.
Sondai-aq, Memleket basshysynyń Jarlyǵymen Kúlásh Noǵataiqyzy Shámshidinova Qazaqstan Respýblikasynyń Bilim jáne ǵylym ministri qyzmetinen bosatyldy.
Ashat Qanatuly Aimaǵambetov 1982 jyly 14 maýsymda Qaraǵandy oblysynda dúniege keldi.
2003 jyly E. Bóketov atyndaǵy QarMÝ tarih fakýltetin «tarihshy, tarih muǵalimi» mamandyǵy boiynsha támamdaǵan.
2006 jyly - Qaraǵandy «Bolashaq» aktýaldy bilim berý institýtynyń zań fakýltetin «quqyqtaný» mamandyǵy boiynsha aiaqtaǵan.
Eńbek jolyn 2002 jyly E. Bóketov atyndaǵy QarMÝ-den bastaǵan, 2004-2005 jyldary «Ańsar» jastar ligasy» QB tóraǵasy bolǵan, 2005-2006 jyldary «MEDIA SP» JShS direktory, 2006-2012 jyldary - E. Bóketov atyndaǵy QarMÝ saiasattaný jáne áleýmettaný kafedrasynyń oqytýshysy, aǵa oqytýshysy, dotsenti retinde qyzmet atqarǵan.
2012-2014 jyldary Nura aýdany ákiminiń áleýmettik máseleler jónindegi orynbasary qyzmetin atqarǵan.
2014 jylǵy aqpan aiynan bastap 2017 jylǵy tamyzǵa deiin - Qaraǵandy oblysy bilim berý basqarmasynyń basshysy laýazymynda boldy.
2017-2019 jyldary Qazaqstan Respýblikasy bilim jáne ǵylym vitse-ministri.
Sońǵy taǵaiyndalýǵa sheiin 2019 jyldyń qańtarynan bastap Qaraǵandy oblysy ákiminiń orynbasary qyzmetin atqardy.
