80 jasqa qaraǵan shaǵynda belgili ǵalym, qoǵam qairatkeri Shámsha Berkimbaeva dúnieden ozdy, dep habarlaidy "Ult aqparat".
Shámsha Berkimbaeva 1942 jylǵy 10 qazanda Almaty oblysynyń Qaskeleń aýdanynda dúniege kelgen.
1966 jyly Qazaq memlekettik qyzdar pedagogikalyq institýtynyń Filologiia fakýltetin bitirgen.
Eńbek jolyn 1966 jyly Almaty oblysyndaǵy Kirov atyndaǵy segiz jyldyq mekteptiń orys tili men ádebieti pániniń muǵalimdiginen bastaǵan.
1968-1970 jyldary Almaty kooperativ tehnikýmynyń komsomol komitetiniń hatshysy, 1970-1971 jyldary Almaty oblystyq komsomol komitetiniń bólim basshysy, 1971-1977 jyldary Qaskeleń aýdandyq komsomol komitetiniń birinshi hatshysy, Almaty oblystyq komsomol komitetiniń birinshi hatshysy, 1977-1987 jyldary Almaty qalasy Sovet aýdandyq partiia komitetiniń birinshi hatshysy, Almaty oblystyq partiia komitetiniń hatshysy qyzmetterin atqardy.
Qairatker-ǵalym 1987-1989 jyldary Almaty qalasyndaǵy №12 orta mektebiniń direktory,
1989-1997 jyldary QR Bilim ministrliginiń orynbasary, 1997-1998 jyldary Qyrǵyz Respýblikasyndaǵy Qazaqstan Respýblikasynń elshiliginiń birinshi hatshysy boldy.
1998-1999 jyldary Almaty oblystyq Oqý bóliminiń bastyǵy, 1999-2000 jyldary QR Parlamenti senatynyń depýtaty.
2002-2003 jyldary QR Ǵylym jáne bilim ministri bolyp taǵaiyndaldy.
2003 jyldyń maýsym aiynan 2011 jyldyń tamyz aiyna deiin Qazaq memlekettik qyzdar pedagogika institýtynyń rektory boldy.
Sh. Berkimbaeva – Halyqaralyq pedagogikalyq Bilim akademiiasynyń akademigi, «QR bilim berý isiniń qurmetti qyzmetkeri», «QR ǵylymyn damytýǵa sińirgen eńbegi úshin» belgileriniń iegeri.
