QR bilim jáne ǵylym ministri Erlan Saǵadiev 2017 jyly ótetin Ulttyq biryńǵai testileý qurylymynda qandai ózgeristerdiń bolatynyn aityp berdi, - dep habarlaidy Tengrinews.kz tilshisi.
"Qazir naqtylanǵan qorytyndy joba joq. Bul másele muǵalimderdiń qatysýymen talqylanady. Joba túlekterdiń mektepte birneshe pánnen qorytyndy emtihan tapsyrýyn josparlaidy. UBT suraqtarynyń qurylymy ózgeretin bolady. (...) Jobaǵa sáikes standartty 60 suraq bolady. 60 suraq 2 bólikke bólinedi. Ol suraqtar túlektiń tańdaǵan mamandyǵyna bailanysty qurastyrylady. Mysaly, túlek meditsina mamandyǵyna tapsyratyn jaǵdaida ol biologiia páninen 30 suraqqa jáne himiia páninen 30 suraqqa jaýap berýi tiis", - dedi Saǵadiev.
Onyń aitýynsha, bul joba qazirgi ýaqytta daiyn. Ony endi shaǵyn quramnan turatyn muǵalimdermen talqyǵa salý kerek. Keiinirek bul joba vedomstvonyń saitynda jariialanatyn bolady. Sol arqyly pikirler aitylyp, bul másele taǵy da qaralady.
"Túlek mektepte emtihan tapsyrǵan ýaqytta memlekettik til men orys tilin tapsyrýǵa mindetteledi. UBT testileý túrinde ótedi. UBT-ny qaita tapsyrý múmkindigi de saqtalady. Ulttyq biryńǵai testileýdiń osyndai júiesi bilim alýshylarda moraldyq-psihologiialyq qiyndyqtardyń paida bolmaýyna septigin tigizedi", - dedi baspasóz qyzmetindegiler.
Osyǵan deiin qazaqstandyq túlekterdiń UBT-ny sońǵy ret dástúrli formattatapsyratyny aitylǵan bolatyn. Sondai-aq, Saǵadiev oqýshylarǵa UBT-ny qaita tapsyrýǵa bolatynyn taǵy da aitty. "Biz UBT ótetin 165 ortalyqtan saǵat saiyn málimet alyp otyramyz. Joǵary oqý oryndarynda oqyǵysy keletin balalarǵa UBT-ny qaita tapsyrýǵa múmkindik berdik. Men ishte boldym jáne qoraptar balalardyń kózinshe ashyldy, olar maǵan senimdi ekenin jáne testti tapsyrýdy bastaǵanyn aitty. Sondyqtan ýaiymdaýǵa sebep joq", - degen edi ministr.
