Táýelsizdik saraiynda bilim salasy qyzmetkerleriniń Tamyz konferentsiiasy ótip jatyr. Konferentsiianyń plenarlyq otyrysyna Qazaqstan prezidenti Qasym-Jomart Toqaev qatysyp, sóz sóiledi.
Memleket basshysy óz sózinde joǵary bilim máselesin kóterdi.
«Ár ata-ana balalarynyń joǵary bilim alǵanyn qalaidy. Bul - oryndy tilek. Degenmen búgingi kezdegi odan da ózekti másele – bolashaq túlektiń eńbek naryǵynda suranysqa ie bolýy. Bul úshin joǵary oqý oryndaryn sapaly bilimmen qamtamasyz etý qajet. Oqý úrdisiniń sapasyn arttyrmai, bilim granttarynyń sanyn kóbeitý jaqsylyqqa emes, jaman nátijege alyp kelýi múmkin. Sondyqtan joǵary bilimniń qoljetimdiligin qamtamasyz etýdi kózdep júrip, onyń devalvatsiiasyna jol bermeý kerek», - dedi Qasym-Jomart Toqaev.
Prezident Úkimetke memlekettik granttardyń quny men onyń qazirgi zamanǵa sai-sai emestigin muqiiat zertteýdi tapsyrdy.
Eske salsaq, Tamyz konferentsiiasy jyl saiyn dástúrli túrde jańa oqý jylynyń qarsańynda ótedi.
