24 qyrkúiekte Taldyqorǵan qalasynda onlain formatta bilim salasyndaǵy sybailas jemqorlyqtyń aldyn alý máselelerin talqylaýǵa arnalǵan konferentsiia ótti.
Konferentsiiaǵa respýblikalyq «Sanaly urpaq» jobalyq keńsesiniń jetekshisi Qaiyrjan Ahmetbekuly Tokýshev, QR Sybailas jemqorlyqqa qarsy is-qimyl agenttiginiń Almaty oblysy boiynsha departament basshysynyń birinshi orynbasary Jandos Saǵyndyquly Jumabaev, Almaty oblysynyń bilim basqarmasy basshysynyń orynbasary Aijan Mamanqyzy Adambekova, Almaty oblysyndaǵy kolledjderdiń direktorlary jáne «Sanaly urpaq» klýbtarynyń belsendi músheleri qatysty.
Konferentsiiaǵa arnaiy qosylǵan «Sanaly urpaq» respýblikalyq keńsesiniń jetekshisi Qaiyrjan Tokýshev oqý oryndarynda adaldyq qaǵidattaryn engizý, jastar boiynda sybailas jemqorlyqqa qarsy dúnietanymdy qalyptastyrý jaiynda baiandama jasady.
Sondai-aq, Qaiyrjan Ahmetbekuly jemqorlyqtyń aldyn alý boiynsha uiymdastyrylǵan sharalardy mekemeniń internet-resýrstarynda turaqty túrde jariialap, ishki taldaý jumystaryn óz deńgeiinde ótkizý jáne taǵy da basqa bilim berý mekemelerine qatysty kemshilikterge toqtalyp, bul baǵyttaǵy jumystardy jandandyrýdy usyndy.
Ata-babamyz «adaldyq júrgen jerde, adamdyq júredi» dep aityp ótkendei, búgingi kúni óskeleń urpaqtyń azamattyq ustanymyn qalyptastyryp, sybailas jemqorlyqqa qarsy mádenietti qalyptastyrý ári nyǵaitý, jastardyń quqyqtyq bilimi jáne mádeniet deńgeiin arttyrý baǵytynda kóptegen jumystar atqarylýda.
Óz kezeginde, onlain rejimde uiymdastyrylǵan sharada Almaty oblysy Sybailas jemqorlyqqa qarsy Departament basshysynyń orynbasary Jandos Saǵyndyquly Jumabaev agentiktiń barlyq bastamalary ádildik, adaldyq, parasattylyq, senim qundylyqtary arqyly júzege asyrylatynyn erekshe atap ótti. Jáne de kolledjder tarapynan atqarylyp jatqan, onyń ishinde jastarmen júrgizilip jatqan jumystardyń az emes ekenin tilge tiek etti.
Sondai-aq, oblystyq bilim basqarmasy basshysynyń orynbasary Aijan Mamanqyzy Adambekova oblys boiynsha «Sanaly urpaq» klýbtarynyń qyzmetimen tanystyryp, aldaǵy josparlarynan habardar etti.
Búgingi tańda oblysta 62 orta arnaiy (kásibi) jáne 2 joǵary oqý orynynda «Sanaly urpaq» jobasynyń keńseleri ashylyp, osy baǵyttaǵy jumystar úilestirilýde.
«Sanaly urpaq» klýbtary aldaǵy ýaqytta tek sybailas jemqorlyqqa qarsy is-qimyl salasynda ǵana emes, jalpy bilim salasyndaǵy innovatsiialyq tehnologiialar, sondai-aq kásibi memlekettik apparatty qalyptastyrýǵa eleýli septigin tigizetin ortalyqqa ainalatyny anyq.
