QR Bilim jáne ǵylym ministrligi mýzyka mektepteriniń jekemenshikke ótýin qoldamaidy, dep habarlaidy "Ult aqparat".
Bul jaiynda vedomstvonyń baspasóz qyzmeti málimet taratty.
«Bilim jáne ǵylym ministrligi mýzyka mektepteriniń jekemenshikke ótýin qoldamaidy. Ol uiymdarda balalar qosymsha bilim alyp jatyr. Sondyqtan shyǵarmashylyq baǵytyndaǵy úiirmege balalaryn qatystyryp jatqan ata-analar men sonda jumys isteitin pedagogterdiń bul másele tóńiregindegi alańdaýshylyǵyn túsinýge bolady. Kerisinshe, jumys istep turǵan memlekettik qosymsha bilim berý uiymdaryn damytý qajet» delingen ministrliktiń habarlamasynda.
Vedomstvonyń ustanymyna sáikes, memlekettik-jekemenshik áriptestik qaǵidasy boiynsha qosymsha jańa obektilerdi salý jáne iske qosý maqsatynda biznes ókilderin tartý qajet.
«Oǵan qosa biyl «Bilim týraly» zańǵa túzetýler engizilgen bolatyn, sonyń negizinde ákimdikter balalardyń jekemenshik qosymsha bilim berý ortalyqtarynda úiirmeler men sektsiialarǵa qatysa alýy úshin memlekettik tapsyrys arqyly jaǵdai jasai alady» deidi mekemeniń baspasóz qyzmeti.
Aita keteiik, sońǵy kúnderi aqparat kózderinde Almatyda mýzyka mektepteriniń jekemenshikke beriletini jaily aqparat taraǵan bolatyn.
