قر بٸلٸم جەنە عىلىم مينيسترلٸگٸ مۋزىكا مەكتەپتەرٸنٸڭ جەكەمەنشٸككە ٶتۋٸن قولدامايدى, دەپ حابارلايدى "ۇلت اقپارات".
بۇل جايىندا ۆەدومستۆونىڭ باسپاسٶز قىزمەتٸ مەلٸمەت تاراتتى.
«بٸلٸم جەنە عىلىم مينيسترلٸگٸ مۋزىكا مەكتەپتەرٸنٸڭ جەكەمەنشٸككە ٶتۋٸن قولدامايدى. ول ۇيىمداردا بالالار قوسىمشا بٸلٸم الىپ جاتىر. سوندىقتان شىعارماشىلىق باعىتىنداعى ٷيٸرمەگە بالالارىن قاتىستىرىپ جاتقان اتا-انالار مەن سوندا جۇمىس ٸستەيتٸن پەداگوگتەردٸڭ بۇل مەسەلە تٶڭٸرەگٸندەگٸ الاڭداۋشىلىعىن تٷسٸنۋگە بولادى. كەرٸسٸنشە, جۇمىس ٸستەپ تۇرعان مەملەكەتتٸك قوسىمشا بٸلٸم بەرۋ ۇيىمدارىن دامىتۋ قاجەت» دەلٸنگەن مينيسترلٸكتٸڭ حابارلاماسىندا.
ۆەدومستۆونىڭ ۇستانىمىنا سەيكەس, مەملەكەتتٸك-جەكەمەنشٸك ەرٸپتەستٸك قاعيداسى بويىنشا قوسىمشا جاڭا وبەكتٸلەردٸ سالۋ جەنە ٸسكە قوسۋ ماقساتىندا بيزنەس ٶكٸلدەرٸن تارتۋ قاجەت.
«وعان قوسا بيىل «بٸلٸم تۋرالى» زاڭعا تٷزەتۋلەر ەنگٸزٸلگەن بولاتىن, سونىڭ نەگٸزٸندە ەكٸمدٸكتەر بالالاردىڭ جەكەمەنشٸك قوسىمشا بٸلٸم بەرۋ ورتالىقتارىندا ٷيٸرمەلەر مەن سەكتسييالارعا قاتىسا الۋى ٷشٸن مەملەكەتتٸك تاپسىرىس ارقىلى جاعداي جاساي الادى» دەيدٸ مەكەمەنٸڭ باسپاسٶز قىزمەتٸ.
ايتا كەتەيٸك, سوڭعى كٷندەرٸ اقپارات كٶزدەرٸندە الماتىدا مۋزىكا مەكتەپتەرٸنٸڭ جەكەمەنشٸككە بەرٸلەتٸنٸ جايلى اقپارات تاراعان بولاتىن.
