Bilim jáne ǵylym ministrligi Mektepke deiingi jáne orta bilim komiteti tóraǵasy Gúlmira Kárimova pedagogterdiń biliktiligin 3 jylda bir ret arttyrýǵa qatysty túsinik berdi, dep habarlaidy QazAqparat.
Onyń aitýynsha, muǵalimderdiń biliktiligin arttyrýdyń 3 jyldyq modelin engizý halyqaralyq tájiribege negizdelgen.
«Damyǵan elderdiń halyqaralyq tájiribesin qarastyrsaq, Singapýr, Finliandiia siiaqty elderde biliktilikti arttyrý jylyna keminde bir ret, al Resei Federatsiiasynda keminde úsh jylda bir ret júzege asyrylady. Kýrstardy oqytýdan basqa, bul elderde pedagogterdiń biliktiligin arttyrý úshin kásibi qoǵamdastyqtardaǵy jumys júiesi, konferentsiialarǵa qatysý, úzdik pedagogterdiń sabaqtaryna qatysý jáne kásibi damýdyń basqa da nysandary paidalanylady», - dedi N. Kárimova Ortalyq kommýnikatsiialar qyzmetinde.
Halyqaralyq zertteýlerdegi kýrstyq daiarlyqtyń tiimdiligin baqylaý boiynsha kýrstarda jańa pedagogikalyq tehnologiialardy jaqsy meńgergen pedagogterdiń 5%-y kýrstyq oqytýdan keiin 1 jyl ótken soń óz praktikasynda kýrsta oqyp, úirengen kontentti belsendi paidalanýdy toqtatý faktileri baiqalady. Bul fakt reprodýktivti daǵdylardy qalyptastyrýdan izdeý daǵdylaryna aýysýdyń kúrdeliligin kórsetedi.
Onyń sózine qaraǵanda, Qazaqstan álemniń 48 elimen qatar TALIS halyqaralyq zertteý nátijeleri boiynsha qazaqstandyq pedagogterdiń 86%-y kásibi damý boiynsha is-sharalarǵa qatysýdyń pedagogikalyq praktikaǵa oń áserin tigizetinin atap ótti. Pedagogikalyq qyzmetti jańadan bastaǵan muǵalimderdiń shamamen 70%-y kásibi deńgeiiniń jetkiliksizdigine, mektep ortasyna beiimdelýge bailanysty qiyndyqtarǵa tap bolady. Osyǵan bailanysty, jas pedagogter kem degende úsh jylda bir ret biliktiligin arttyrýdy qajet etedi.
Búgingi tańda halyqaralyq tájiribede «biliktilikti arttyrý» tujyrymdamasy pedagogterdiń úzdiksiz kásibi damý tujyrymdamasyna aýystyryldy. Biliktilikti arttyrý júiesi ýaqyt talaptaryna sáikes kelýi kerek bolǵandyqtan, ol úzdiksiz sipatta bolýy kerek. Osyǵan orai, biliktilikti arttyrý kýrstarynan ótý jiiligin keminde úsh jylda bir ret arttyrý qajettiligi, eń aldymen, pedagogterdi úzdiksiz damytý tujyrymdamasynyń printsipterine, jetekshi bilim berý elderiniń senimdi nátijelerine, pedagogika salasyndaǵy ǵylymi teoriialarǵa, halyqaralyq monitoringtik zertteýlerge negizdelgen.
