بٸلٸم جەنە عىلىم مينيسترلٸگٸ مەكتەپكە دەيٸنگٸ جەنە ورتا بٸلٸم كوميتەتٸ تٶراعاسى گٷلميرا كەرٸموۆا پەداگوگتەردٸڭ بٸلٸكتٸلٸگٸن 3 جىلدا بٸر رەت ارتتىرۋعا قاتىستى تٷسٸنٸك بەردٸ, دەپ حابارلايدى قازاقپارات.
ونىڭ ايتۋىنشا, مۇعالٸمدەردٸڭ بٸلٸكتٸلٸگٸن ارتتىرۋدىڭ 3 جىلدىق مودەلٸن ەنگٸزۋ حالىقارالىق تەجٸريبەگە نەگٸزدەلگەن.
«دامىعان ەلدەردٸڭ حالىقارالىق تەجٸريبەسٸن قاراستىرساق, سينگاپۋر, فينلياندييا سيياقتى ەلدەردە بٸلٸكتٸلٸكتٸ ارتتىرۋ جىلىنا كەمٸندە بٸر رەت, ال رەسەي فەدەراتسيياسىندا كەمٸندە ٷش جىلدا بٸر رەت جٷزەگە اسىرىلادى. كۋرستاردى وقىتۋدان باسقا, بۇل ەلدەردە پەداگوگتەردٸڭ بٸلٸكتٸلٸگٸن ارتتىرۋ ٷشٸن كەسٸبي قوعامداستىقتارداعى جۇمىس جٷيەسٸ, كونفەرەنتسييالارعا قاتىسۋ, ٷزدٸك پەداگوگتەردٸڭ ساباقتارىنا قاتىسۋ جەنە كەسٸبي دامۋدىڭ باسقا دا نىساندارى پايدالانىلادى», - دەدٸ ن. كەرٸموۆا ورتالىق كوممۋنيكاتسييالار قىزمەتٸندە.
حالىقارالىق زەرتتەۋلەردەگٸ كۋرستىق دايارلىقتىڭ تيٸمدٸلٸگٸن باقىلاۋ بويىنشا كۋرستاردا جاڭا پەداگوگيكالىق تەحنولوگييالاردى جاقسى مەڭگەرگەن پەداگوگتەردٸڭ 5%-ى كۋرستىق وقىتۋدان كەيٸن 1 جىل ٶتكەن سوڭ ٶز پراكتيكاسىندا كۋرستا وقىپ, ٷيرەنگەن كونتەنتتٸ بەلسەندٸ پايدالانۋدى توقتاتۋ فاكتٸلەرٸ بايقالادى. بۇل فاكت رەپرودۋكتيۆتٸ داعدىلاردى قالىپتاستىرۋدان ٸزدەۋ داعدىلارىنا اۋىسۋدىڭ كٷردەلٸلٸگٸن كٶرسەتەدٸ.
ونىڭ سٶزٸنە قاراعاندا, قازاقستان ەلەمنٸڭ 48 ەلٸمەن قاتار TALIS حالىقارالىق زەرتتەۋ نەتيجەلەرٸ بويىنشا قازاقستاندىق پەداگوگتەردٸڭ 86%-ى كەسٸبي دامۋ بويىنشا ٸس-شارالارعا قاتىسۋدىڭ پەداگوگيكالىق پراكتيكاعا وڭ ەسەرٸن تيگٸزەتٸنٸن اتاپ ٶتتٸ. پەداگوگيكالىق قىزمەتتٸ جاڭادان باستاعان مۇعالٸمدەردٸڭ شامامەن 70%-ى كەسٸبي دەڭگەيٸنٸڭ جەتكٸلٸكسٸزدٸگٸنە, مەكتەپ ورتاسىنا بەيٸمدەلۋگە بايلانىستى قيىندىقتارعا تاپ بولادى. وسىعان بايلانىستى, جاس پەداگوگتەر كەم دەگەندە ٷش جىلدا بٸر رەت بٸلٸكتٸلٸگٸن ارتتىرۋدى قاجەت ەتەدٸ.
بٷگٸنگٸ تاڭدا حالىقارالىق تەجٸريبەدە «بٸلٸكتٸلٸكتٸ ارتتىرۋ» تۇجىرىمداماسى پەداگوگتەردٸڭ ٷزدٸكسٸز كەسٸبي دامۋ تۇجىرىمداماسىنا اۋىستىرىلدى. بٸلٸكتٸلٸكتٸ ارتتىرۋ جٷيەسٸ ۋاقىت تالاپتارىنا سەيكەس كەلۋٸ كەرەك بولعاندىقتان, ول ٷزدٸكسٸز سيپاتتا بولۋى كەرەك. وسىعان وراي, بٸلٸكتٸلٸكتٸ ارتتىرۋ كۋرستارىنان ٶتۋ جيٸلٸگٸن كەمٸندە ٷش جىلدا بٸر رەت ارتتىرۋ قاجەتتٸلٸگٸ, ەڭ الدىمەن, پەداگوگتەردٸ ٷزدٸكسٸز دامىتۋ تۇجىرىمداماسىنىڭ پرينتسيپتەرٸنە, جەتەكشٸ بٸلٸم بەرۋ ەلدەرٸنٸڭ سەنٸمدٸ نەتيجەلەرٸنە, پەداگوگيكا سالاسىنداعى عىلىمي تەورييالارعا, حالىقارالىق مونيتورينگتٸك زەرتتەۋلەرگە نەگٸزدەلگەن.
