QR Bilim jáne ǵylym ministriniń buiryǵymen bilim uiymdaryna kirgizýge tyiym salynǵan jáne paidalanýǵa bolmaityn zattardyń tizimi bekitildi, dep habarlaidy "Ult aqparat".
Bul tizimge qarýdyń barlyq túri, oq-dári, jarylǵysh zattar, sondai-aq tesýge jáne kesýge arnalǵan zattar kiredi.
«Bilim uiymdarynda tyiym salynǵan zattardyń tizimin ázirleýge biz ótken jyly kiristik. Osy jyldyń qańtar aiynan bastap «Bilim týraly» zań sheńberinde osy tizimdi ázirleý jáne bekitý bizdiń quzyretimizde. Tyiym salynǵan zattardyń tizimi Ishki ister ministrligi, Densaýlyq saqtaý ministrligi, Tsifrlyq damý, innovatsiialar jáne aeroǵarysh ónerkásibi ministrlikterimen, UQK, Bas prokýratýramen jáne Joǵarǵy Sotpen birlesip jasaldy», – dep atap ótti Bilim jáne ǵylym ministri Ashat Aimaǵambetov.
Jańa normany engizý oqýshylar úshin qaýipsiz jáne jaily orta qalyptastyrýǵa, sondai-aq quqyq buzýshylyqtardy ýaqytyly anyqtaýǵa jáne onyń aldyn alýǵa múmkindik beredi.
Osylaisha, mektepterge qarý men oǵan syrtqy uqsastyǵy bar zattardy ákelýge qatań tyiym salynady.
Budan bólek, bilim uiymdarynda shanshityn, kesetin jáne ótkir zattardy, ónerkásiptik quraldardy, oq-dári, jarylǵysh, ýly, psihoaktivti zattardy ákelýge jáne paidalanýǵa jol berilmeidi.
Sondai-aq mektep oqýshylarynyń oqý sabaqtary kezinde smartfon, planshet, pleierlerdi paidalanýyna shekteý engiziledi.
Bul shekteýler densaýlyqty baqylaý úshin smartfondy qajet etetin erekshe bilim berý qajettilikteri bar balalarǵa qatysty emes.
Máselen, qant diabeti bar oqýshylarǵa qandaǵy qantty baqylaý úshin smartfon qajet bolýy múmkin.
Balalardyń tyiym salynǵan zattardy bilim uiymdaryna kirgizgeni úshin olardyń ata-anasy men zańdy ókilderi jaýapty bolatynyn aita ketken jón.
