Bilim jáne ǵylym ministrligi oqýshylardy dástúrli oqýǵa qaitarý týraly ata-analardyń Prezident pen Bilim jáne ǵylym ministrine jazǵan petitsiiasyna jaýap berdi, dep habarlaidy QazAqparat.
Aita ketsek buǵan deiin ata-analar oqýshylardy dástúrli oqýǵa qaitarý bastamasyn kóterip, Prezident pen Bilim jáne ǵylym ministrine petitsiia jazǵan edi.
«Biz, qazaqstandyq balalardyń ata-analary, oqýshylardyń Qazaqstan Respýblikasy Konstitýtsiiasynyń 30-babynda kórsetilgen orta bilim alý quqyǵy tolyq kólemde - kásibi muǵalimderdiń tikelei qatysýymen barlyq pánder boiynsha qamtamasyz etilýin talap etemiz. Mekteptegi bilim kúndiz ári oqý ornynda bolýy kerek. Ony tsifrlyq sýrrogat almastyrmaýy kerek. Tsifrlyq tehnologiialardy tek qosymsha ádister retinde, erejelermen bekitilgen qatań shekteýli kólemde jáne tek erikti negizde paidalanýǵa bolady», - delingen petitsiiada.
Bilim jáne ǵylym ministrliginiń baspasóz hatshysy Gaýhar Omarbek bul petitsiiaǵa qatysty pikir bildirdi.
«Qazirgi ýaqytta bastaýysh synyp oqýshylary ata-analarynyń ótinishi boiynsha mektepterde oqi alady.
Sondai-aq, 3 myńǵa jýyq shaǵyn jinaqty mektep oqýshylary (iaǵni 1-11 synyp oqýshylar) dástúrli formatta oqyp jatyr. Qalǵan mektep oqýshylary úshin sanitarlyq dárigerler dástúrli oqytý formatyna kezeń-kezeńmen kóshýge bolatynyn habarlaǵannan keiin ǵana, biz bul protsesti bastai alamyz. Bas sanitar dárigerdiń sheshimi shyqsa ǵana ár mekteptiń ákimshiligi tiisti keste jasaidy jáne biz balalar men ata-analarǵa tiisti aqparatty jetkize alamyz», - dedi ol.
