Ulttyq biryńǵai testileýdiń aǵylshyn tilindegi suraqtary daiyn. Aǵylshynsha suraqtar qazaq jáne orys tilderindegi tapsyrmalardan erekshelenbeidi. Bul týraly búgin bilim jáne ǵylym vitse-ministri Ashat Aimaǵambetov málimdedi, dep habarlaidy Sputnik Qazaqstan tilshisi.
Vitse-ministr ázirge respýblika boiynsha qansha túlek aǵylshyn tilinde UBT tapsyratyny belgisiz ekenin málim etti.
"Sizder bilesizder, erejege sáikes bizde baza 10 naýryzdan bastap ashylady. Mamyr aiynyń ortasyna deiin túlekter UBT-ǵa qatysý týraly ótinish bere alady. Baza endi ashylǵandyqtan qansha bala aǵylshyn tilinde tapsyratynyn aita almaimyz. Oqýshylar sany mamyr aiynda belgili bolady", — dedi Aimaǵambetov.
Onyń aitýynsha, aǵylshyn tilin 2000-shy, 2007-shy jyldardan beri bilim berýdi aǵylshyn tilinde júrgizip júrgen mektepterdiń túlekteri tańdaýy múmkin.
"Aǵylshyn tilinde suraqtar bazasyn daiyndap qoidyq. Ministrlik te, ulttyq testileý ortalyǵy da UBT-ny joǵary deńgeide ótkizýge daiyn. Aǵylshyn tilindegi barlyq suraq memlekettik standarttyń oqý baǵdarlamasy aiasynda. Suraqtar qazaq, orys nemese aǵylshyn tilinde bolsyn, mazmuny boiynsha bir-birinen erekshelenbeidi", — dedi vitse-ministr.
