QR Sybailas jemqorlyqqa qarsy is-qimyl agenttigi iri kólemde biýdjet qarjysyn jymqyrý faktisin anyqtap, QR Bilim jáne ǵylym ministriniń kómekshisin qamaýǵa aldy, dep habarlaidy "Ult aqparat".
«Oǵan stýdentter úshin jazǵy bilim berý startap mektebin uiymdastyrýǵa bólingen 11 mln teńgeden astam qaryjyny qyzmettik jaǵdaiyn paidalana otyryp jymqyrdy degen kúdik keltirilip otyr. Kúdikti ustalyp, Nur-Sultan qalasyndaǵy ýaqytsha ustaý izoliatoryna qamaýǵa alyndy», - delingen taratylǵan málimette.
Atalǵan kúdiktige qatysty sońǵy sheshimdi onyń aiyptylyǵynyń deńgeiin anyqtai otyryp, sot belgileitin bolady.
