Saǵadiev "Jaqsy jumys istedik", - dep ózine-ózi baǵa beripti. Kúldim de: E, jón, - dedim. Bir salanyń oiran-botqasyn shyǵarǵan ekstiń este qalar bir sózi boldy. Al jańa ministr Kúlásh apaiymyzdan Saǵadievtiń otyrǵan jerine úiip ketken problemasyn kúrekpen tazalap tastaýdy suraimyz.
1) Oqýlyq júiesin jónge keltirip, balalar bir ádistememen oqysa! "Atamuraǵa" bir kitap, "Mektep" baspasyna bir kitap bastyryp balalardyń miyn ashytyp júrgen "Oqýlyq" ortalyǵyn japsa, ia bolmasa aqshanyń jolynan shyǵaryp, bilim súrleýine salsa.
2) "Álippe", "Ana tili" qaita oralsa. Bastaýysh synyp balalaryna áýeli mátin oqytyp, odan keiin árip úiretetin qoiyrtpaq ádisteme doǵarylsa.
3) Joǵary synyp shákirtteri test jattaýǵa ýaqytyn sarp etpei shynaiy bilim alsa.
4) Shet tilin japon tásilimen tek 5-6 synyptan bastap engizse. Orys tili de osy sanatta.
5) Kitap, dápter sanyn kemitse, bala bitken múgedek bolatyn boldy, aýyr.
6) Qiiali avtorlardy it qosyp qýsa, keibiriniń oqýlyqqa qosqan tapsyrmasyn bala túgili ata-analar jabylyp sheshe almaidy.
7) 7-8 synyptarǵa arnalǵan "Qazaq tili" degen tabiǵattaný, anatomiia, astronomiia, biologiia, t.b. qosylǵan bylamyq kitaptyń kózin qurtyp, ereje men jattyǵýǵa súiengen qarapaiym da ǵulama til pánin qalpyna keltirse.
8) Sózdik shyǵarýdy bizneske ainaldyryp, "alma aǵashy" degendi birese qosyp, birese bólek jazyp úlken-kishini jyndy etip júrgen "danyshpan"-ǵalymdarǵa toqtaý salsa?! Til komiteti basqa qurylymda bolǵanymen ǵalymdar osy kisige qaraidy.
9) Latyn tańbasyna qatysty jasalǵan emleni ashyq talqyǵa saldyrsa, biraz shikilik bary kóp aityldy. Bul máselede "Is bitti, qý kettige" jol berýge bolmaidy, álipbi shiki bolsa qazaq balasynyń miy airan bolady. Óz tilinde ejiktep sóileitin ekstiń bul máselege zer salǵany, bir nárse túsingeni shamaly.
Mine, óstip tize berýge bolady, bilim salasy bylyǵyp ketti. Muǵalim, direktor, osy salanyń vitse-ministri bolǵan Kúlásh hanymnyń qolynan keler...
Serik Ábikenulynyń feisbýktaǵy jazbasynan
