ساعاديەۆ "جاقسى جۇمىس ٸستەدٸك", - دەپ ٶزٸنە-ٶزٸ باعا بەرٸپتٸ. كٷلدٸم دە: ە, جٶن, - دەدٸم. بٸر سالانىڭ ويران-بوتقاسىن شىعارعان ەكستٸڭ ەستە قالار بٸر سٶزٸ بولدى. ال جاڭا مينيستر كٷلەش اپايىمىزدان ساعاديەۆتٸڭ وتىرعان جەرٸنە ٷيٸپ كەتكەن پروبلەماسىن كٷرەكپەن تازالاپ تاستاۋدى سۇرايمىز.
1) وقۋلىق جٷيەسٸن جٶنگە كەلتٸرٸپ, بالالار بٸر ەدٸستەمەمەن وقىسا! "اتامۇراعا" بٸر كٸتاپ, "مەكتەپ" باسپاسىنا بٸر كٸتاپ باستىرىپ بالالاردىڭ ميىن اشىتىپ جٷرگەن "وقۋلىق" ورتالىعىن جاپسا, يا بولماسا اقشانىڭ جولىنان شىعارىپ, بٸلٸم سٷرلەۋٸنە سالسا.
2) "ەلٸپپە", "انا تٸلٸ" قايتا ورالسا. باستاۋىش سىنىپ بالالارىنا ەۋەلٸ مەتٸن وقىتىپ, ودان كەيٸن ەرٸپ ٷيرەتەتٸن قويىرتپاق ەدٸستەمە دوعارىلسا.
3) جوعارى سىنىپ شەكٸرتتەرٸ تەست جاتتاۋعا ۋاقىتىن سارپ ەتپەي شىنايى بٸلٸم السا.
4) شەت تٸلٸن جاپون تەسٸلٸمەن تەك 5-6 سىنىپتان باستاپ ەنگٸزسە. ورىس تٸلٸ دە وسى ساناتتا.
5) كٸتاپ, دەپتەر سانىن كەمٸتسە, بالا بٸتكەن مٷگەدەك بولاتىن بولدى, اۋىر.
6) قييالي اۆتورلاردى يت قوسىپ قۋسا, كەيبٸرٸنٸڭ وقۋلىققا قوسقان تاپسىرماسىن بالا تٷگٸلٸ اتا-انالار جابىلىپ شەشە المايدى.
7) 7-8 سىنىپتارعا ارنالعان "قازاق تٸلٸ" دەگەن تابيعاتتانۋ, اناتومييا, استرونومييا, بيولوگييا, ت.ب. قوسىلعان بىلامىق كٸتاپتىڭ كٶزٸن قۇرتىپ, ەرەجە مەن جاتتىعۋعا سٷيەنگەن قاراپايىم دا عۇلاما تٸل پەنٸن قالپىنا كەلتٸرسە.
8) سٶزدٸك شىعارۋدى بيزنەسكە اينالدىرىپ, "الما اعاشى" دەگەندٸ بٸرەسە قوسىپ, بٸرەسە بٶلەك جازىپ ٷلكەن-كٸشٸنٸ جىندى ەتٸپ جٷرگەن "دانىشپان"-عالىمدارعا توقتاۋ سالسا?! تٸل كوميتەتٸ باسقا قۇرىلىمدا بولعانىمەن عالىمدار وسى كٸسٸگە قارايدى.
9) لاتىن تاڭباسىنا قاتىستى جاسالعان ەملەنٸ اشىق تالقىعا سالدىرسا, بٸراز شيكٸلٸك بارى كٶپ ايتىلدى. بۇل مەسەلەدە "ٸس بٸتتٸ, قۋ كەتتٸگە" جول بەرۋگە بولمايدى, ەلٸپبي شيكٸ بولسا قازاق بالاسىنىڭ ميى ايران بولادى. ٶز تٸلٸندە ەجٸكتەپ سٶيلەيتٸن ەكستٸڭ بۇل مەسەلەگە زەر سالعانى, بٸر نەرسە تٷسٸنگەنٸ شامالى.
مٸنە, ٶستٸپ تٸزە بەرۋگە بولادى, بٸلٸم سالاسى بىلىعىپ كەتتٸ. مۇعالٸم, ديرەكتور, وسى سالانىڭ ۆيتسە-مينيسترٸ بولعان كٷلەش حانىمنىڭ قولىنان كەلەر...
سەرٸك ەبٸكەنۇلىنىڭ فەيسبۋكتاعى جازباسىنان
