Joǵary oqý oryndary pedagogtarynyń jalaqysy óte tómen. Bul týraly Bilim jáne ǵylym ministrliginiń alqa májilisinde vedomstvo basshysy Ashat Aimaǵambetov aitty, dep habarlaidy QazAqparat.
«Joǵary jáne joǵary oqýdan keiingi bilim berýde kadrlar daiarlaýǵa arnalǵan memlekettik tapsyrys kóleminiń jyl saiyn ósýi baiqalady. Osynyń aldynda memlekettik granttyń quny 340-440 myń teńge bolǵan. Aldyńǵy jyly Memleket basshynyń qoldaýynyń arqasynda osy memlekettik granttyń kólemin 1 mln teńgege deiin ulǵaittyq. Bul óz kezeginde ýniversitetterge materialdyq-tehnikalyq jaǵdaiyn jaqsartýǵa, sondai-aq pedagogtardyń, oqytýshylardyń jalaqysyn kóterýge múmkindik berdi. 2019 jyly qyrkúiekte ministrlikke qarasty ýniversitetter pedagogtarynyń jalaqasyn 20 paiyzǵa kóterse, 2020 jyly qyrkúiek aiynda taǵy 20 paiyzǵa kóterdi», - dedi A. Aimaǵambetov.
Osy oraida ministr bul jumysty áli de jalǵastyrý qajettigin aitty.
«Búgingi kúni joǵary oqý oryndary pedagogtarynyń jalaqysy óte tómen. Mekteptermen, kolledjdermen salystyrǵan kúnniń ózinde bul kórsetkish básekege qabiletti emes. Sondyqtan bul jumysty jalǵastyrý barlyq rektordyń aldynda turǵan negizgi jumystardyń biri», – dedi vedomstvo basshysy.
Budan buryn habarldanǵandai, ótken apatada Senat depýtaty Aqylbek Kúrishbaev joǵary oqý oryndarynda bilikti mamandardy daiarlaý máselesine qatysty Úkimet basshysynyń orynbasary Eraly Toǵjanovtyń atyna saýal joldady.
Sonymen qatar senator JOO oqytýshylarynyń jalaqysyn kóterýge qatysty usynys aitty.
