جوعارى وقۋ ورىندارى پەداگوگتارىنىڭ جالاقىسى ٶتە تٶمەن. بۇل تۋرالى بٸلٸم جەنە عىلىم مينيسترلٸگٸنٸڭ القا مەجٸلٸسٸندە ۆەدومستۆو باسشىسى اسحات ايماعامبەتوۆ ايتتى, دەپ حابارلايدى قازاقپارات.
«جوعارى جەنە جوعارى وقۋدان كەيٸنگٸ بٸلٸم بەرۋدە كادرلار دايارلاۋعا ارنالعان مەملەكەتتٸك تاپسىرىس كٶلەمٸنٸڭ جىل سايىن ٶسۋٸ بايقالادى. وسىنىڭ الدىندا مەملەكەتتٸك گرانتتىڭ قۇنى 340-440 مىڭ تەڭگە بولعان. الدىڭعى جىلى مەملەكەت باسشىنىڭ قولداۋىنىڭ ارقاسىندا وسى مەملەكەتتٸك گرانتتىڭ كٶلەمٸن 1 ملن تەڭگەگە دەيٸن ۇلعايتتىق. بۇل ٶز كەزەگٸندە ۋنيۆەرسيتەتتەرگە ماتەريالدىق-تەحنيكالىق جاعدايىن جاقسارتۋعا, سونداي-اق پەداگوگتاردىڭ, وقىتۋشىلاردىڭ جالاقىسىن كٶتەرۋگە مٷمكٸندٸك بەردٸ. 2019 جىلى قىركٷيەكتە مينيسترلٸككە قاراستى ۋنيۆەرسيتەتتەر پەداگوگتارىنىڭ جالاقاسىن 20 پايىزعا كٶتەرسە, 2020 جىلى قىركٷيەك ايىندا تاعى 20 پايىزعا كٶتەردٸ», - دەدٸ ا. ايماعامبەتوۆ.
وسى ورايدا مينيستر بۇل جۇمىستى ەلٸ دە جالعاستىرۋ قاجەتتٸگٸن ايتتى.
«بٷگٸنگٸ كٷنٸ جوعارى وقۋ ورىندارى پەداگوگتارىنىڭ جالاقىسى ٶتە تٶمەن. مەكتەپتەرمەن, كوللەدجدەرمەن سالىستىرعان كٷننٸڭ ٶزٸندە بۇل كٶرسەتكٸش بەسەكەگە قابٸلەتتٸ ەمەس. سوندىقتان بۇل جۇمىستى جالعاستىرۋ بارلىق رەكتوردىڭ الدىندا تۇرعان نەگٸزگٸ جۇمىستاردىڭ بٸرٸ», – دەدٸ ۆەدومستۆو باسشىسى.
بۇدان بۇرىن حابارلدانعانداي, ٶتكەن اپاتادا سەنات دەپۋتاتى اقىلبەك كٷرٸشباەۆ جوعارى وقۋ ورىندارىندا بٸلٸكتٸ مامانداردى دايارلاۋ مەسەلەسٸنە قاتىستى ٷكٸمەت باسشىسىنىڭ ورىنباسارى ەرالى توعجانوۆتىڭ اتىنا ساۋال جولدادى.
سونىمەن قاتار سەناتور جوو وقىتۋشىلارىنىڭ جالاقىسىن كٶتەرۋگە قاتىستى ۇسىنىس ايتتى.
