2020 jyly Ulttyq biryńǵai testileý ótkiziledi. Bul týraly QR Bilim jáne ǵylam ministri Ashat Aimaǵambetov málim etti, – dep habarlaidy QazAqparat.
«Ulttyq biryńǵai testileý belgilengen merzimde ótedi dep josparlanýda, iaǵni maýsymnyń sońy men shildeniń basy aralyǵynda. Qazir daiyndyq jumystary qarqyndy júrip jatyr. Aldaǵy aptanyń seisebisinde ótetin apparat keńesinde UBT-ǵa daiyndyq taqyrybyn talqylaimyz. Árine, bul baǵytta UBT-ny ótkizý kezinde sanitarlyq talaptar men sanitarlyq-epidemiologiialyq sharalardy kúsheitýge airyqsha nazar aýdarylady», - dedi A.Aimaǵambetov onlain baspasóz máslihatynda.
Onyń sózine qaraǵanda, araqashyqtyqty saqtaý maqsatynda UBT tapsyrý kezinde aýditoriiadaǵy adamdar sany barynsha qysqartylady.
«Maska, respiratorlar taǵý mindetti bolady. Sonymen qatar, aýditoriiany jeldetý jumystary iske asyrylady. Qazir osy máselelermen ainalysyp jatyrmyz. Biyl qujat tapsyrý tolyqtai elektrondy tártipte ótti. 131 myń bala qujattaryn tapsyryp úlgerdi», - dedi ministr.
