Oqýshylarmen kezdesý barysynda osydan bir jyl buryn mektepterde balalar ókildikterin qurý jónindegi sheshim durys bolǵanyna kóz jetkizdim. Bilim jáne ǵylym ministri Ashat Aimaǵambetov Facebook-tegi paraqshasynda osylai jazdy, dep habarlaidy "Ult aqparat".
Ol jaqynda balalardyń quqyqtaryn qorǵaý jónindegi balalar ókilderimen kezdesken.
«Nur-Sultan qalasyndaǵy mektep oqýshylarymen dástúrli formatta, al jiynǵa basqa óńirlerden qatysqan oqýshylarmen onlain formatta áńgimelestik.
Jasyna qaramastan, jetkinshekter qoiǵan suraqtardyń mán-mazmuny meni tańqaldyrǵanyn atap ótkim keledi.
Biri ǵalymdardyń eńbegi qanshalyqty baǵalanady, ǵylymnyń qai baǵyttaryn tańdaǵan durys dep surasa, endi biri zamanýi tehnologiialar balalardyń kúndelikti ómirinde tamyryn tereń jaiyp bara jatqanyna alańdaýly.
Sondai-aq oqýshylardyń oqýǵa degen qyzyǵýshylyǵyn arttyrý boiynsha ideialar da talqylandy», dep jazdy Ashat Aimaǵambetov.
Ministrdiń aitýynsha, oqýshylarmen kezdesý barysynda osydan bir jyl buryn mektepterde balalar ókildikterin qurý jónindegi sheshim durys bolǵanyna kóz jetkizgen.
«Men óz tarapymnan kitaphanalar jańa formatta jumys istep, balalardyń súiikti ornyna ainalýy týraly aittym. Kovorking ortalyqtarynda jas jetkinshekter bas qosyp, birge kitap oqyp, oqyǵandaryn ózara talqylap, pikirtalasqa túse alady. Sonymen birge kórkem ádebietti memlekettik tilde oqý máselesine nazarlaryn aýdardym.
Talqylanǵan taǵy bir usynys – balalar men muǵalimderge mekteptegi qarjylyq protsesterge qatysýǵa múmkindik berý. Iaǵni, olar mektep biýdjetiniń belgili bir bóligin, tipti asa kóp bóligi bolmasa da, mektepti jaqsartý úshin qajet jáne mańyzdy dep sanaityn baǵyttarǵa jumsaý boiynsha sheshim qabyldaý rásimine qatystyrý», - dedi Ashat Aimaǵambetov.
Onyń pikirinshe, mundai birlesken sheshimder pedagogter men oqýshylar arasyndaǵy bailanysty nyǵaityp, balalardyń oqýǵa degen qyzyǵýshylyǵyn arttyrady dep aityldy.
«Osy siiaqty birneshe mańyzdy bastamalardy talqyladyq. Synyptastarynyń múddelerin qorǵap júrgen mektep oqýshylary búgingi kezdesýden keiin de belsendi ári jańashyl bolyp qala beredi dep senemin», - dedi ministr.
