Magistratýraǵa túsý úshin jańa formattaǵy keshendi testileýdiń alǵashqy kúni ótti, dep habarlady Qazaqstannyń bilim jáne ǵylym ministri Ashat Aimaǵambetov.
"Emtihan ótkizýdiń barynsha ashyqtyǵy men adaldyǵyn qamtamasyz etý úshin elimizdiń barlyq óńirinde Sybailas jemqorlyqqa qarsy is-qimyl agenttiginiń qyzmetkerleri, arnaiy monitoringtik toptardyń jáne qoǵamnyń basqa da músheleri baqylaýshylar retinde tartyldy", - dep jazdy bilim ministri.
Aimaǵambetov atap ótkendei, búginde bilim berý júiesindegi adaldyqtyń jańa standarttary qalyptasyp keledi: emtihan kezinde jalǵandyqqa jol berý – áldeqaida mańyzdy quqyqbuzýshylyqqa jol berýdiń alǵashqy qadamy.
"Birinshi kúnniń nátijesine keletin bolsaq, testileýge kelgen 5705 qatysýshynyń 4014-i smartfonmen kelgen. Al 216 úmitker tyiym salynǵan zattardy paidalaný áreketterin jasaǵan, olardyń nátijeleri joiyldy", - dep málimet berdi BǴM basshysy.
Sonymen qatar 10 bógde tulǵa anyqtalǵan eken, olar boiynsha materialdar quqyq qorǵaý organdaryna jiberilmek.
Sóz sońynda Aimaǵambetov barlyq úmitkerdi belgilengen tártipti saqtaýǵa shaqyrdy.
