QR Bilim jáne ǵylym ministriniń buiryǵyna sáikes, jas urpaqty oqytý jáne tárbieleý isindegi eleýli tabystary úshin birqatar pedagog «Ybyrai Altynsarin» belgisimen marapattalady, dep habarlaidy QazAqparat.
«Biz sizderdi Y. Altynsarin atyndaǵy vedomstvolyq medalmen marapattaimyz. Búgingi kezdesýdi onlain rejimde ótkizgendikten, marapattaý rásimi de osyǵan sáikes júrgiziledi. Keiinnen osy tósbelgiler marapattalǵan ustazdarǵa tapsyrylady», - dedi Bilim jáne ǵylym ministri Ashat Aimaǵambetov onlain rejimde muǵalimderdiń qatysýymen ótken konferentsiiada.
Sonymen qatar ministr telesabaqtardy daiarlaýǵa belsendi qatysqan barlyq muǵalimder men ádiskerlerge alǵysyn aitty.
«Sizder aýqymdy jumys atqardyńyzdar. Qazir telejuldyzǵa ainaldyńyzdar, iaǵni qysqa merzimde jańa kásipti meńgerip shyqtyńyzdar. Bizdiń muǵalimder bir aptanyń ishinde telejúrgizýshilikti meńgerip, osy mamandyqtyń qyr-syryn úirendi. Úsh myńnan astam telesabaq daiyndaldy», - dedi A. Aimaǵambetov.
Budan bólek, Táýelsiz Qazaqstannyń rýhani jáne áleýmettik damý jolynda qol jetkizgen tabystary men gúldenýine qosqan zor úlesi úshin qurmet gramotasymen 120 pedagog pen 104 ádisker marapattalady.
