Ortalyq kommýnikatsiialar qyzmetinde bilim jáne ǵylym ministri Erlan Saǵadievtiń 25 sáýirde halyqqa esep berý kezdesýiniń qorytyndysy boiynsha baspasóz máslihaty ótti, dep habarlaidy Sputnik Qazaqstan tilshisi.
"15 mamyrda osymen ekinshi ret jalpyulttyq ata-analar jinalysy ótedi. Sizder bilesizder, ortasha eseppen jinalysqa ata-analardyń 10-15 protsenti qatysady. Ótken jyly jalpyulttyq jinalysqa oqýshylardyń 80 protsentiniń ata-anasy keldi, bul óte jaqsy nátije. Biyl biz bul kórsetkishti qaitalaǵymyz keledi. Sondyqtan ministrlik atynan memlekettik organdardy qosa alǵanda, barlyq jumys berýshiden sol kúni ata-analardy jumystan erte jiberýdi ótinemiz. Ata-analar ul-qyzdary oqityn mektepke baryp, jinalysqa qatysýy kerek", —dedi Saǵadiev.
Sonymen qatar, bilim ministri 1 maýsymda dástúrli respýblikalyq balalar men jastardyń mýzykalyq orkestrleri men ansamblderiniń parady ótetinin atap ótti. Biyl jastar sherýi ekinshi ret uiymdastyrylǵaly otyr.
"Byltyr paradqa júz myńnan asa bala qatysty. Osy jyly 500 myńdai qatysady dep josparlanyp otyr. Sherýge oqýshylar, muǵalimder, stýdentter tartyldy", —dedi vedomstvo basshysy.
Aita ketsek, Saǵadievtiń aitýynsha, 25 sáýir kúni Astanada ótken eseptik kezdesýge 800-den astam adam qatysqan. Beinekonferentsiia bailanysy arqyly 15 óńirden 850 adam qamtyldy.
