ورتالىق كوممۋنيكاتسييالار قىزمەتٸندە بٸلٸم جەنە عىلىم مينيسترٸ ەرلان ساعاديەۆتٸڭ 25 سەۋٸردە حالىققا ەسەپ بەرۋ كەزدەسۋٸنٸڭ قورىتىندىسى بويىنشا باسپاسٶز مەسليحاتى ٶتتٸ, دەپ حابارلايدى Sputnik قازاقستان تٸلشٸسٸ.
"15 مامىردا وسىمەن ەكٸنشٸ رەت جالپىۇلتتىق اتا-انالار جينالىسى ٶتەدٸ. سٸزدەر بٸلەسٸزدەر, ورتاشا ەسەپپەن جينالىسقا اتا-انالاردىڭ 10-15 پروتسەنتٸ قاتىسادى. ٶتكەن جىلى جالپىۇلتتىق جينالىسقا وقۋشىلاردىڭ 80 پروتسەنتٸنٸڭ اتا-اناسى كەلدٸ, بۇل ٶتە جاقسى نەتيجە. بيىل بٸز بۇل كٶرسەتكٸشتٸ قايتالاعىمىز كەلەدٸ. سوندىقتان مينيسترلٸك اتىنان مەملەكەتتٸك ورگانداردى قوسا العاندا, بارلىق جۇمىس بەرۋشٸدەن سول كٷنٸ اتا-انالاردى جۇمىستان ەرتە جٸبەرۋدٸ ٶتٸنەمٸز. اتا-انالار ۇل-قىزدارى وقيتىن مەكتەپكە بارىپ, جينالىسقا قاتىسۋى كەرەك", —دەدٸ ساعاديەۆ.
سونىمەن قاتار, بٸلٸم مينيسترٸ 1 ماۋسىمدا دەستٷرلٸ رەسپۋبليكالىق بالالار مەن جاستاردىڭ مۋزىكالىق وركەسترلەرٸ مەن انسامبلدەرٸنٸڭ پارادى ٶتەتٸنٸن اتاپ ٶتتٸ. بيىل جاستار شەرۋٸ ەكٸنشٸ رەت ۇيىمداستىرىلعالى وتىر.
"بىلتىر پارادقا جٷز مىڭنان اسا بالا قاتىستى. وسى جىلى 500 مىڭداي قاتىسادى دەپ جوسپارلانىپ وتىر. شەرۋگە وقۋشىلار, مۇعالٸمدەر, ستۋدەنتتەر تارتىلدى", —دەدٸ ۆەدومستۆو باسشىسى.
ايتا كەتسەك, ساعاديەۆتٸڭ ايتۋىنشا, 25 سەۋٸر كٷنٸ استانادا ٶتكەن ەسەپتٸك كەزدەسۋگە 800-دەن استام ادام قاتىسقان. بەينەكونفەرەنتسييا بايلانىسى ارقىلى 15 ٶڭٸردەن 850 ادام قامتىلدى.
