Talapkerlerdiń ótinishin eskere otyryp, bilim granttary konkýrsyna ótinim qabyldaý merzimi 22 shildeni qosa alǵanda 2 kúnge uzartyldy, dep habarlaidy QazAqparat.
Búgingi tańda shekti mejeden ótken 103 myń talapkerdiń 80 myńnan astamy joǵary oqý oryndarynyń qabyldaý komissiiasyna qujat tapsyrǵan.
Ótken jylmen salystyrǵanda 88 myń úmitker shekti deńgeiden asqan bolsa, granttyq baiqaýǵa 77 myń adam qatysqan.
Osy kórsetkishti eskere otyryp, biyl 92 myń ótinish qabyldanady dep kútilip otyr.
Memlekettik bilim grantyn taǵaiyndaý konkýrsyna qatysý úshin talapkerlerge mynadai qujattar qajet: jeke kýálik, UBT sertifikaty, orta bilimi týraly attestat (TjKB uiymdarynyń túlekteri úshin diplom) jáne jeńildetilgen sanat boiynsha konkýrsqa qatysý úshin rastaityn qujattar.
Meditsinalyq anyqtamany tamyz aiynda ýniversitetke qabyldaý kezinde tapsyrý qajet.
