Biyl magistratýǵa bólinetin bilim granttaryna qatysty birqatar ózgerister bolady, dep xabarlaidy QazAqparat tilshisi.
QR Bilim jáne ǵylym vitse-ministri Talǵat Eshenqulovtyń aitýynsha, búginde bilim granttaryn tikelei joǵary oqý oryndaryna taratýǵa basymdyq berilmeidi. UBT-da joǵary upai alǵan mektep túlegi qai oqý ornyn tańdasa, sol jerge grant beriledi. Osylaisha, jan basyna qarai qarjylandyrý júiesi birtindep engizilip keledi.
«Ótken jyly atalǵan bastama magistratýda 21 mamandyq boiynsha synaqtan ótkizilgen bolatyn. Biyl zań normalary boiynsha magistratýra bólimi grant taǵaiyndaýdyń jańa modeline tolyǵymen kóshedi. Osynyń arqasynda magistratýraǵa túsken adam grantty alady da, joǵary oqý ornyn ózi tańdaidy. Soǵan qarai memlekettik tapsyrys ta jasalady, joǵary oqy oryndary grantqa túsken magistranttardyń tańdaýyna qarai qarjylandyrylady», - dedi T.Eshenqulov QR Parlament Májilisinde ótken dóńgelek ústelde.
Vitse-ministrdiń sózine qaraǵanda, granttardy taǵaiyndaýdyń jańa júiesi tek doktorantýraǵa ǵana qatysy joq. Ol jerde burynǵydai memlekettik tapsyrys tikelei joǵary oqý oryndaryna beriledi.
«Jalpy, sońǵy úsh jyldyń ishinde memlekettik tapsyrys 1,7 esege ósti», - dep atap kórsetti T.Eshenqulov.
