بيىل ماگيستراتۋعا بٶلٸنەتٸن بٸلٸم گرانتتارىنا قاتىستى بٸرقاتار ٶزگەرٸستەر بولادى, دەپ xابارلايدى قازاقپارات تٸلشٸسٸ.
قر بٸلٸم جەنە عىلىم ۆيتسە-مينيسترٸ تالعات ەشەنقۇلوۆتىڭ ايتۋىنشا, بٷگٸندە بٸلٸم گرانتتارىن تٸكەلەي جوعارى وقۋ ورىندارىنا تاراتۋعا باسىمدىق بەرٸلمەيدٸ. ۇبت-دا جوعارى ۇپاي العان مەكتەپ تٷلەگٸ قاي وقۋ ورنىن تاڭداسا, سول جەرگە گرانت بەرٸلەدٸ. وسىلايشا, جان باسىنا قاراي قارجىلاندىرۋ جٷيەسٸ بٸرتٸندەپ ەنگٸزٸلٸپ كەلەدٸ.
«ٶتكەن جىلى اتالعان باستاما ماگيستراتۋدا 21 ماماندىق بويىنشا سىناقتان ٶتكٸزٸلگەن بولاتىن. بيىل زاڭ نورمالارى بويىنشا ماگيستراتۋرا بٶلٸمٸ گرانت تاعايىنداۋدىڭ جاڭا مودەلٸنە تولىعىمەن كٶشەدٸ. وسىنىڭ ارقاسىندا ماگيستراتۋراعا تٷسكەن ادام گرانتتى الادى دا, جوعارى وقۋ ورنىن ٶزٸ تاڭدايدى. سوعان قاراي مەملەكەتتٸك تاپسىرىس تا جاسالادى, جوعارى وقى ورىندارى گرانتقا تٷسكەن ماگيسترانتتاردىڭ تاڭداۋىنا قاراي قارجىلاندىرىلادى», - دەدٸ ت.ەشەنقۇلوۆ قر پارلامەنت مەجٸلٸسٸندە ٶتكەن دٶڭگەلەك ٷستەلدە.
ۆيتسە-مينيستردٸڭ سٶزٸنە قاراعاندا, گرانتتاردى تاعايىنداۋدىڭ جاڭا جٷيەسٸ تەك دوكتورانتۋراعا عانا قاتىسى جوق. ول جەردە بۇرىنعىداي مەملەكەتتٸك تاپسىرىس تٸكەلەي جوعارى وقۋ ورىندارىنا بەرٸلەدٸ.
«جالپى, سوڭعى ٷش جىلدىڭ ٸشٸندە مەملەكەتتٸك تاپسىرىس 1,7 ەسەگە ٶستٸ», - دەپ اتاپ كٶرسەتتٸ ت.ەشەنقۇلوۆ.
