Bilim granttaryn bólý protsesine bógde adamdar aralasa almaidy, dep habarlaidy "Ult aqparat" Bilim jáne ǵylym ministrliginiń baspasóz qyzmetine silteme jasap.
Kiber shabýyldardy zertteý jáne taldaý ortalyǵynyń (TsARKA) ókilderi bilim granttaryn bólý rásimin tekserip, óz qorytyndysyn shyǵardy. Qazaqstan Respýblikasy Bilim jáne ǵylym ministrliginiń «Ulttyq testileý ortalyǵy» bakalavriat jáne magistratýra boiynsha bilim granttaryn bólýge jaýap beretin aqparattyq júieniń bastapqy kodtaryn TsARKA mamandaryna tekserýge bergen bolatyn. Tekserý nátijesi boiynsha, granttardy bólý úrdisine bóten adam aralasa almaityny anyqtaldy.
«Atalǵan tekserý grant bólýdiń jariialanǵan nátijeleri baǵdarlama bergen derektermen tolyq sáikes keletinin kórsetti. Osylaisha, grant bólý týraly derekter tizim jasalǵan sátten bastap nátijeler jariialanǵanǵa deiin óz tutastyǵy men qupiialylyǵyn saqtap qalǵan dep senimmen aitýǵa bolady» delingen habarlamada.
Ortalyq mamandary tizim jasaýǵa jaýap beretin aqparattyq júiege bógde adamdar aralaspaǵan degen qorytyndyǵa keldi.
Aita keteiik, atalǵan tekserý barysynda 76 009 qatysýshy arasynda 58 126 grantty taǵaiyndaý úrdisi tekserilgen.
