video kadry
Túrkistan oblysynda 400 mln teńgeden astam memleket qarjysyn talan-tarajǵa salǵan bilim salasy qyzmetkerleriniń jymqyrý áreketteri anyqtaldy, - dep habarlaidy "Ult aqparat" Qarjylyq monitoring agenttigine silteme jasap.
"QMA Túrkistan oblysy boiynsha departamenti bilim berý salasyndaǵy qarajatty asa iri mólsherde urlaý faktilerin anyqtady.
Senip tapsyrylǵan múlikti zańsyz iemdendi degen kúdikke «Keles aýdanynyń bilim bólimi» MM býhgalterleri ilindi, olar 2021-2023 jyldar aralyǵynda bilim berý mekemesi qyzmetkerleriniń kórineý jalǵan málimetterin bazaǵa engizgen.
Mektep qyzmetkerleriniń kart-shottary men jeke sáikestendirý nómirleri (JSN) esepshilermen bailanysty azamattardyń JSN-ne aýystyrylǵany anyqtaldy" - delingen habarlamada.
Agenttik málimetinshe, qazirgi ýaqytta memleketke keltirilgen zalal 400 mln teńgeden asady.
"Kórsetilgen faktiler boiynsha sotqa deiingi tergep-tekserý bastaldy jáne kúdikti adamdarǵa qatysty sot qamaýda ustaý túrindegi bultartpaý sharasyna sanktsiia berdi.
QR QPK-niń 201-baby tártibindegi ózge de aqparat jariia etýge jatpaidy" - delingen vedomstvo usynǵan málimette.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
