sýret ashyq derekkózden alyndy
Sybailas jemqorlyqqa qarsy is-qimyl agenttiginiń negizgi baǵyttarynyń biri retinde Jemqorlyq táýekelderiniń kartasy qoldanylady. Bul týraly agenttik tóraǵasy Ashat Jumaǵali 6 aidyń qorytyndysy boiynsha alqa otyrysynda aitty, - dep habarlaidy "Ult aqparat" Antikor baspasóz qyzmetine silteme jasap.
Kartany iske asyrý kezinde jemqorlyq táýekelderine bilim berý salasynda syrtqy taldaýlar júrgizilgen.
Vedomstvo basshysy atap ótkendei, Antikor úshin jemqorlyq kórinisterin joiýda negizgi aldyn alý quraldaryn paidalaný basymdyqqa ie.
«Biz úshin «adam ortalyqtylyǵy» qaǵidaty basymdyqqa ie. Memlekettik organdar azamattardyń ómirin jaqsartýǵa basa nazar aýdarýy tiis. Osyǵan súiene otyryp, agenttik jumystaǵy tásilderdi túbegeili qaita qarady. Jemqorlyq táýekelderiniń kartalary basty baǵdar boldy», - dep atap ótti Ashat Jumaǵali.
Vedomstvo málimetinshe, bilim berý salasynda aýqymdy jemqorlyqqa jaǵdai jasaityn júieli problemalar belgilengen.
"Agenttiktiń integratsiialanǵan taldaýdy paidalanýy jemqorlyq shemalaryn ishinen egjei-tegjeili zerdeleýge múmkindik berdi. Sonyń arqasynda, búkil respýblika boiynsha jemqorlyq táýekelderin syrtqy taldaý sheńberinde bilim berý salasyndaǵy tutas qylmystyq shemalar ashyldy. Almaty, Shymkent jáne Taldyqorǵan qalalarynyń, Qyzylorda jáne Aqtóbe oblystarynyń bilim berý salasyndaǵy laýazymdy tulǵalaryna qatysty qylmystyq ister tergelip jatyr.
Osylaisha, mektep direktorlary men býhgalterleri býhgalterlik esep júielerin qazynashylyqpen jáne basqa málimetter bazasymen integratsiialaýdyń joqtyǵyn paidalanyp, biýdjet qarajatyn jymqyrǵan. Bul bilim bólimderiniń basshylary men memlekettik aýditorlardy qamtý kezinde oryn aldy" - delingen habarlamada.
Búginde elimiz boiynsha bilim berý salasynda aldyn ala 7,9 mlrd teńge shyǵynmen 102 qylmystyq is tirkelgen.
"Jalpy, taldaý nátijelerimen ártúrli salalarda jemqorlyq táýekelderin joiý boiynsha 1100-den astam usynymdar ázirlendi. Búginde olardyń 33%-yn memlekettik organdar oryndady" - deidi Antikor baspasóz qyzmetiniń ókilderi.
