QR Prezidenti Nursultan Nazarbaev elimizdiń Konstitýtsiialyq Keńesine júginý sebebin budan ary talqylaýdyń qajeti joq. Bul pikirdi «Habar» arnasyndaǵy «Ashyq dialog» baǵdarlamasynda qonaqta bolǵan QR Aqparat jáne kommýnikatsiialar ministri Dáýren Abaev bildirdi, dep habarlaidy "QazAqparat".
«Osy aptada Memleket basshysynyń Konstitýtsiialyq Keńeske ótinish berýi týraly aqparattyń birshama talqyǵa túskeni belgili. Osyǵan bailanysty áleýmettik jelide áli de Qazaqstandaǵy bilik tranziti bolýy múmkin degen pikir bildirip jatyr. Buǵan qatysty ne aitar edińiz?», - dep suraq qoidy baǵdarlama júrgizýshisi ministrden.
Bul suraqqa jaýap bergen Dáýren Abaev bul taqyryp týraly barlyq áńgime aitylýyndai aitylǵanyn jetkizdi.
«Bul taqyrypty jabaiyq. Búgingi tańda biliktiń tranziti týraly eshqandai áńgime qozǵalǵaly otyrǵan joq. Memleket basshysynyń túsindirýine artyq sóz qosýdyń qajeti de joq. Konstitýtsiialyq Keńeske ótinish berý - mańyzdy, dese de jumys babyndaǵy protsedýra. Bul ótinishten ekinshi maǵynany izdeýdiń qajeti shamaly. Bulai maǵyna izdeýdiń ózi logikaǵa qaishy. Qazirgi tańda Prezidenttiń jumysynyń el ishinde de, syrtynda da tyǵyz kestesi bar. Memleket basshysynyń orta merzimdi jáne uzaq merzimdi perspektivalarǵa qatysty óte mańyzdy tapsyrmalardy júktegeni belgili. Joldaýda da, Úkimettiń keńeitilgen otyrysynda da, Jastar jylynda da osy tapsyrmalar týraly aitylǵan edi», - dep jaýap berdi Dáýren Abaev.
Ministr óz sózinde osynaý jańalyqtyń nelikten birshama qaýeset taratqanyna bailanysty oiyn bildirdi.
«Tranzittiń ózi de san-saqqa oi tartar taqyryp ekenin bilesiz. Bul taqyrypqa qatysty kez kelgen pikirdiń ózi eldiń nazaryn aýdarady. Meniń ózim de tranzit taqyryby degende keń talqy men taldaý jasap júretin sarapshylardy bilemin. Jalpy, bul taqyryptaǵy pikirtalastyń óz tártibi, óz joramaly, óz boljamy bar jeke júieni eske túsiredi. Ol boljamdar shynaiylyqqa sai bola bermeidi. Shynynda da, Prezidentte - Ult kóshbasshysynda halyqtyń tabysyn arttyrý boiynsha tapsyrmalary bekitilgen naqty tártibi bar», - deidi Dáýren Abaev. Eske sala ketsek, buǵan deiin QR Prezidenti Nursultan Nazarbaev elimizdiń Konstitýtsiialyq Keńesine júginý sebebin túsindirgenin habarlaǵan bolatynbyz.
