Ekaterinbýrgta bokstan ótip jatqan álem chempionatynda Qazaqstannan Sáken Bibosynov birinshi bolyp jartylai finalǵa shyqty, dep habarlaidy "Ult aqparat".
Sáken shirek finalda 52 kelige deiingi salmaqta armeniialyq Artýr Oganesianmen judyryqtasty.
Boiynyń uzyndyǵyn paidalanǵan S.Bibosynov araqashyqtyqty saqtai otyryp, kóbirek upai jinai aldy. Sonyń nátijesinde bes tóreshiniń tórteýi jeńisti Sákenge berdi.
A.Oganesian de osal boksshy emes. Biyl Minskide ótken Eýropa oiyndarynyń chempiony.
Sáken munyń aldynda Rio Olimpiadasynyń kúmis júldegeri, kolýmbiialyq Iýberhen Martinesti utqan edi.
Osylaisha Qazaqstan qorjynyna alǵashqy medal tústi deýge bolady. Kem degende, qola medal qaltada.
Álem chempionaty odan ári jalǵasýda. Búgin áli alty boksshymyz ringke shyǵady.
