ەكاتەرينبۋرگتا بوكستان ٶتٸپ جاتقان ەلەم چەمپيوناتىندا قازاقستاننان سەكەن بيبوسىنوۆ بٸرٸنشٸ بولىپ جارتىلاي فينالعا شىقتى, دەپ حابارلايدى "ۇلت اقپارات".
سەكەن شيرەك فينالدا 52 كەلٸگە دەيٸنگٸ سالماقتا ارمەنييالىق ارتۋر وگانەسيانمەن جۇدىرىقتاستى.
بويىنىڭ ۇزىندىعىن پايدالانعان س.بيبوسىنوۆ اراقاشىقتىقتى ساقتاي وتىرىپ, كٶبٸرەك ۇپاي جيناي الدى. سونىڭ نەتيجەسٸندە بەس تٶرەشٸنٸڭ تٶرتەۋٸ جەڭٸستٸ سەكەنگە بەردٸ.
ا.وگانەسيان دە وسال بوكسشى ەمەس. بيىل مينسكٸدە ٶتكەن ەۋروپا ويىندارىنىڭ چەمپيونى.
سەكەن مۇنىڭ الدىندا ريو وليمپياداسىنىڭ كٷمٸس جٷلدەگەرٸ, كولۋمبييالىق يۋبەرحەن مارتينەستٸ ۇتقان ەدٸ.
وسىلايشا قازاقستان قورجىنىنا العاشقى مەدال تٷستٸ دەۋگە بولادى. كەم دەگەندە, قولا مەدال قالتادا.
ەلەم چەمپيوناتى ودان ەرٸ جالعاسۋدا. بٷگٸن ەلٸ التى بوكسشىمىز رينگكە شىعادى.
