Foto: worldrapidandblitz2022.fide.com
Búgin Almaty qalasyndaǵy Balýan Sholaq atyndaǵy sport saraiynda blits shahmattan Álem chempionaty aiaqtaldy, dep habarlaidy "Ult aqparat" Sportty damytý direktsiiasynyń baspasóz qyzmetine silteme jasap.
Mereke qarsańyndaǵy sońǵy jarys kúni grossmeisterler úshin ońai bolǵan joq. Qarbalasqa toly kezdesýler nátijesinde qazaqstandyq Bibisara Asaýbaeva blits shahmattan qatarynan 2-shi ret Álem chempiony atandy. Ol 17 upaidyń 13-ine qol jetkizdi. Aita keteiik, byltyr Bibisara blits shahmattan eń jas álem chempiony atanǵan edi.
«Búgin 2-shi ret álem chempionatynda jeńiske jettim. Byltyr óte senimdi oiyn kórsetip, top jarǵan edim. Alaida biyl sondai jaqsy qarqyn kórsete almadym. Qazir otbasymmen biraz ýaqyt birge bolyp, demalǵym keledi», - dedi Bibisara baspasóz jiynynda.
Aita keteiik, 2 kún buryn shahmattyń rapid túrinen qytailyq Tan Chjýni jeńimpaz atansa, oǵan tai-breikte ese jibergen Dinara Sádýaqasova kúmis medalge ie bolǵan. Al qola júlde úndistandyq Savita Shridiń enshisinde ketti.
Erler arasynda norvegiialyq Magnýs Karlsen qos altyndy moinyna taqty.
Osy joly da Karlsenge teń keler shahmatshy tabylmady. Ol 13 týrdan keiin 10 upai jinap, rapidten 4 dúrkin Álem chempiony atandy (2014, 2015, 2019 jáne 2022 jyldar). Bul básekede germaniialyq Vinsent Keimer kúmis, amerikalyq Fabiano Karýana qolaǵa qol jetkizdi.
Jalpy, Almatydaǵy aqyl-oi alamanyna 50-den astam eldiń tańdaýly oiynshylary keldi. Biylǵy chempionattyń júlde qory – $1 mln.
Álem chempionatyn uiymdastyrýshylar – FIDE men Qazaqstan shahmat federatsiiasy. Sondai-aq Qazaqstan Respýblikasynyń Mádeniet jáne sport ministrligi men Almaty qalasy ákimdigi de qoldaý kórsetti.
Barlyq nátijeni Worldrapidandblitz2022.fide saitynan kóre alasyzdar.
