Shahmattan 2021 jylǵy álem chempiony Bibisara Asaýbaevany marapattaý videosy paida boldy, dep habarlaidy QazAqparat.
17 jastaǵy qazaqstandyq shahmatshy 30 jeltoqsan kúni Polshada ótken álem chempionatynda blits-týrnirdiń jeńimpazy atandy.
Al 28 jeltoqsanda dál osy baiqaýda rapid boiynsha Bibisara Asaýbaeva kúmis júldeger atanǵan edi.
«Qazaqstannyń ánurany. Men blitsten áielder arasynda chempion atandym. Qazaqstandyqtar, jańa jyl qutty bolsyn! Jyldy dál osylai aiaqtaýlaryńyzdy tileimin», - dep jazdy Bibisara Asaýbaeva óziniń Instagram paraqshasynda.
Bul – Qazaqstannyń shahmat tarihyndaǵy álem chempionatynan alynǵan alǵashqy altyn júlde. Sondai-aq, Bibisara Asaýbaeva álemdik shahmat túrleri tarihynda eń jas álem chempiony atandy.
