© Photo: Komitet po delam sporta i fizkýltýry/akkaýnt v sotssetiah
Qazaqstandyq shahmatshy Bibisara Asaýbaeva álem men Qazaqstan áielder quramalary arasyndaǵy alǵashqy kezdesýde shahmattan tórt dúrkin álem chempiony qytailyq Hoý Ifandi jeńdi, dep habarlaidy QazAqparat Instagram-daǵy alga.peterburg paraqshasyna silteme jasap.
«Ázirge oiyndaǵy esepte álemniń juldyzdy komandasy alda keledi, biraq bizdiń Bibisara Asaýbaeva shahmattan tórt dúrkin álem chempiony qytailyq Hoý Ifandi jeńilgenin moiyndaýǵa májbúr etti. Bibisara FIDE reitingi eń joǵary áiel shahmatshyny jeńdi! Bul - naǵyz sensatsiia! Bibisara 2021 jyly blitsten shahmat tarihyndaǵy eń jas álem chempiony boldy, sonyń arqasynda ol Ginnestiń rekordtar kitabyna endi, al 2022 jyly blits boiynsha eki dúrkin álem chempiony atandy! Búginde Bibisara bizdi keremet jańalyqpen qýantýda, bul shynymen de tamasha jeńis!» - delingen aqparatta.
Eske salaiyq, Bibisara Asaýbaeva Niý-Delide ótken FIDE Gran-pri týrnirinde ekinshi oryn alǵan bolatyn.
