Foto: Ult.kz
BI Group kompaniiasyna tiesili Bigvill Arena City-de vibrodinamikalyq synaq júrgizildi, dep habarlaidy Ult.kz.
Vibrodinamikalyq synaq – bul qurylys nysandarynyń diril áserinen qalai áreket etetinin tekserý jáne taldaý ádisi. Basqasha aitqanda, bul jer silkinisin imitatsiialaý. Mundai synaqtardyń kómegimen qurylysshylar men jobalaýshylar ǵimarattyń sapasyn baǵalap, júktemelerdiń kúsh syzyqtaryn baqylap, nysannyń myqty jáne álsiz jaqtaryn anyqtaidy.
Synaq ǵimarattyń seismikalyq tolqyndar áserinen qalai áreket etetinin kórýge múmkindik beredi. Arnaiy datchikter arqyly jinalǵan synaq nátijeleri qurylymnyń senimdiligi týraly qundy aqparat beredi, sondai-aq seismikalyq belsendi aimaqtarda qurylys úshin eń qolaily materialdar men tehnologiialardy qoldanýǵa kómektesedi.
Bigvill Arena City-de vibrodinamikalyq synaq jýrnalister men blogerlerdiń qatysýymen ótti. BAQ ókilderi úidiń seismikalyq tózimdi ekenine tikelei kóz jetkizdi.
6 qabatty ǵimarat seismikalyq qanshalyqty tózimdi ekenin tekserý úshin 0.42g júkteme qoldanyldy, bul shamamen 8-9 ball jer silkinisi. Shamamen 5 minýtqa sozylǵan terbelisten ydys-aiaqtar qulaǵany bolmasa, ǵimaratqa esh zaqym kelgen joq. BI Group bul synaqty «QazQSǴZI» AQ mamandarymen birlese júrgizgenin atap ótken jón.
Foto: Ult.kz
Qalashyqtyń qurylys tehnologiiasyny kelsek, topyraq túri seismikalyq qasietteri boiynsha III (úshinshi sanat) sanatqa jatady. Qurylys alańynyń seismikalyq belsendiligi – 10 ball.
Irgetastyń negizi retinde topyraq-tsement elementteri (DSM baǵandary – diametri 1 m, uzyndyǵy 5-10 m) qoldanylady. Baǵandar tyǵyz ári senimdi topyraqqa tireledi. Irgetasy – monolit temirbeton plita.
Negizgi qańqa retinde seismikalyq áserlerge tózimdiligi joǵary eń senimdi júie bolyp tabylatyn kóldeneń-qabyrǵalyq júie turǵyzylǵan.
Kóldeneń-qabyrǵalyq júie boilyq jáne kóldeneń tireý qabyrǵalarmen usynylǵan, olarǵa plitalar kontýr nemese úsh jaǵy boiynsha tireledi. Barlyq tik tireý konstrýktsiialar monolitti temirbeton irgetasqa bekitilip, plitalar jáne jabyn túrindegi kóldeneń diskilermen biriktirilgen.
Qurylys konstrýktsiialary "Lira SAPR 2022" baǵdarlamalyq-esepteý kesheninde eseptelip, QR QN 2.03-30-2017* "Seismikalyq aimaqtarda qurylys salý" normalary men «QazQSǴZI» AQ ázirlegen seismikalyq aimaqta jobalaýǵa arnalǵan arnaiy tehnikalyq sharttarǵa (ATSh) sáikes jobalanǵan.
