QR Bilim jáne ǵylym ministrligi Ulttyq testileý ortalyǵynyń basshysy Ramazan Álimqulov 200-den asa talapkerdiń granttan aiyrylyp qalýyna qatysty túsinik berdi, - dep habarlaidy "Ult aqparat" kaz.tengrinews.kz portalyna silteme jasap.
Eske sala keteiik, osyǵan deiin Almatyda shamamen 200 "Altyn belgi" iegeriniń granttarynan aiyrylǵany jaily habarlanǵan bolatyn. BAQ málimetinshe, bir top talapker aqysyz oqýǵa túskender tiziminde bolsa da, sertifikatyn ala almai júr. Sondyqtan olar10 kúnnen beri qabyldaý komissiiasyna baryp júr. Biraq sertifikat daýlaǵandarǵa jaýap berip jatqan eshkim joq.
QR Bilim jáne ǵylym ministrligi Ulttyq testileý ortalyǵy zańnamaǵa sáike granttar bóldi. Bul sertifikattar, iaǵni granttardyń berilgeni jaily qujattardyń barlyǵy talapkerler ótinish qaldyrǵan bazalyq JOO-larǵa joldandy. Biz ol sertifikattardy ótken aptada jiberip qoiǵanbyz", - dedi QR Bilim jáne ǵylym ministrligi Ulttyq testileý ortalyǵynyń basshysy Ramazan Álimqulov.
Onyń aitýynsha, Densaýlyq saqtaý ministrligi Almaty men Astanada ornalasqan meditsinalyq JOO-lardyń talapkerlerine bólingen 200 granttyń merzimin toqtatty. "Densaýlyq saqtaý ministrliginiń ókilderi belgili bir kategoriiadaǵy talapkerlerdiń granttarynyń merzimin toqtatty.
Sebebi meditsinalyq mamandyqtarǵa grant alǵandardyń kóbi Astana jáne Almaty qalalaryndaǵy JOO-larǵa ótinish qaldyrǵan, olardyń ishinde Astana Meditsinalyq ýniversiteti men Asfendiiarov atyndaǵy Qazaq Ulttyq Meditsina ýniversitetine ótinish bildergen", - dep túsindirdi Ulttyq testileý ortalyǵynyń basshysy.
Ramazan Álimqulov Bilim jáne ǵylym ministrliginiń granttardy toqtatý týraly eshqandai sheshim shyǵarmaǵanyn aitty.
"Bul granttardy (kýálikterdi) keri qaitarý týraly buiryq bolǵan joq. Densaýlyq saqtaý ministrliginiń komissiiasy kúndelikti árbir talapkerge elimizdegi basqa meditsinalyq oqý oryndarynan granttardy usyný úshin jumystar júrgizip jatyr", - dedi Ramazan Álimqulov.
Onyń aitýynsha, shamamen 150 stýdenttiń máselesi sheshildi deýge bolady.
"Biz qazir basqa qalalarǵa oqýǵa túsýge kelisken stýdentterge qatysty máseleni qarastyryp jatyrmyz. Biz Densaýlyq saqtaý ministrliginiń komissiiasymen kelise otyryp, granttardy eseptep, JOO-larǵa jiberemiz. Al Densaýlyq saqtaý ministrligi nelikten Astana men Almatydaǵy JOO-larǵa osynsha talapkerdi qabyldai almaýynyń sebebi jaily aitatyn bolsa, ol meniń quzyretimde emes", - dedi Ulttyq testileý ortalyǵynyń basshysy.
"Olar ne óz erikterimen sol oqý ornyna túskisi kelgen talapkerlerdi oqýǵa túsiredi nemese olarǵa elimizdegi basqa meditsinalyq JOO-lardy usynady. Biz qazirgi ýaqytta tehnikalyq organ retinde basqa qalaǵa oqýǵa kelisken stýdentterdiń granttaryn daiyndap jatyrmyz", - dedi Ramazan Álimqulov.
Biylǵy bilim granty iegerleriniń tolyq tizimi 2017jyldyń 10 tamyzynda jariialanǵan bolatyn.
Osy jyly joǵary bilim alý úshin bilim granttarynyń sany 37 932 grantqa deiin jetkizildi. Onyń ishinde, 35 082 grant 1 kýrsqa qabyldaý úshin (kúndizgi oqý nysany boiynsha - 34 782, syrttai oqý nysany boiynsha - 300 grant), 2850 oryn - joǵary oqý oryndarynyń daiyndyq bólimderi úshin bólindi.
