Bilim jáne ǵylym vitse-ministri Sholpan Qarinova muǵalimderdiń ulttyq biliktilik testileýden ótýine qatysty jelide taraǵan ártúrli pikirge qatysty oiyn aitty, dep habarlaidy QazAqparat.
Bilim jáne ǵylym vitse-ministri Sholpan Qarinova Ulttyq biliktilik testileýdi ótkizý máseleleri boiynsha onlain baspasóz máslihatynda áleýmettik jelide tarap jatqan ártúrli áńgime alańdatyp otyrǵan másele ekenin jetkizdi.
«Ulttyq biliktilik testileýge qatysty zańbuzýshylyqtar bolmaýy tiis. Búgingi kúni muǵalimderdiń arasynda aqsha jinaý, ony tapsyrý sekildi suraqtardyń bary aitylýda. Bul qanshalyqty shyndyq? Osyndai másele bar ma? Árine Bilim jáne ǵylym ministrligi neǵurlym osy testileýge qatysty ashyqtyqty qamtamasyz etý kerektigin ustanyp otyr. Árbir muǵalim osy testileýge barǵan kezde tolyǵymen obektivtilikti qamtamasyz etýge bailanysty barlyq jaǵdai jasalǵan. Sondyqtan eshbir zańbuzýshylyqqa barýǵa tiisti emespiz. Úzildi-kesildi ondai jaǵdaidy boldyrmaý kerek», - dedi Sholpan Qarinova.
Ministrlik osyndai zańbuzýshylyqty boldyrmaý úshin barlyq sharany qarastyrmaq.
