QR Bilim jáne ǵylym ministrligi BǴM qyzmetkeriniń buqaralyq aqparat ókilderine jasaǵan málimdemesi boiynsha habarlama jasady.
Aita keteiik, QR Bilim jáne ǵylym ministrliginiń jaýapty hatshysy Aryn Órsariev 48 mln teńge jymqyrdy degen kúdikke ilindi. Buqaralyq aqparat quraldarynda jariialanǵandai, ol zańsyz qujattarǵa qol qoimaǵan memlekettik satyp alýlar departamentiniń direktory Anar Qaiyrbekovaǵa qoqan-loqqy kórsetken.
Ministrliktiń málimetinshe, bul kelispeýshilik jańadan týyndaǵan másele emes, sońǵy 4-5 ai boiy jalǵasyp keledi.
"Atalǵan fakti boiynsha 2019 jyldyń mamyr aiynan bastap ýákiletti organdar tekseris júrgizip jatyr. Qazirgi ýaqytta Ministrlik tarapynan barlyq qajetti qujattar usynylyp, birlese jumys júrgizilip jatyr. Tergeý nátijeleri týraly qosymsha habarlaityn bolamyz", - dep habarlady BǴM-da.
