Foto: ashyq derekkóz
Qazaqstan Respýblikasy Mádeniet jáne aqparat ministrligi 2025 jyldyń alǵashqy jartyjyldyǵyndaǵy mádeni jetistikter men halyqaralyq sahnada el namysyn qorǵaǵan ónerpazdardyń tabysty ónerin qorytyndylady, dep habarlaidy Ult.kz.
6 mamyr kúni Astanada Vetnam Mádenieti kúnderine arnalǵan Gala-kontsert ótti. Keshke eki eldiń ónerpazdary qatysty. Sahnada Qazaqstandy álemge tanytqan, erekshe daýys iesi Dimash Qudaibergen óner kórsetti.
Almatyda Jambyl atyndaǵy filarmoniianyń 90 jyldyǵyna arnalǵan «XX25» festivali ótti. Bul keshke akademiialyq sahna juldyzdary jinaldy. Olardyń qatarynda álemge áigili skripkashy, halyqaralyq baiqaýlardyń birneshe dúrkin jeńimpazy Erjan Qulybaev ta bar.
Áigerim Altynbek – halyqaralyq baiqaýlardyń laýreaty, «Qazaqkontsert» ujymynyń solisi, opera juldyzy. Maýsym aiynda ol Milandaǵy La Skala akademiiasyna oqýǵa túsip, birneshe aptadan keiin-aq Pompeidegi kontsertte Andrea Bochellimen birge sahnaǵa shyqty.
Qytaida ótken ShOS festivalinde Qazaqstan atynan eki ónerpaz qatysty. Olar – «Daryn» syilyǵynyń laýreaty, kópshiliktiń súiikti ánshisi atanǵan SADRADDIN jáne halyqaralyq baiqaýlardyń jeńimpazy, erekshe qýatty daýysymen kózge túsken Rýhiia Baidúkenova.
«Slavian bazary» halyqaralyq festivalinde Qazaqstan atynan Jetisý filarmoniiasynyń solisi Almagúl Battalieva óner kórsetti. Daryny men kásibi sheberliginiń arqasynda ol «Vechnost» ánin tamasha oryndap, baiqaýdyń Gran-pri júldesin jeńip aldy.
Jambyl oblysynan kelgen 13 jastaǵy Miras Naǵashybai jas talanttarǵa arnalǵan halyqaralyq baiqaýda kópshiliktiń ystyq yqylasyna bólendi. Ol qazaqtyń tolǵaýy «Kúldir-búldirdi» oryndap, qazylar alqasyn tánti etti. Ónerpaz birinshi oryn men arnaiy nominatsiiaǵa ie boldy.
Mariia Mýdriak – álemdik deńgeidegi qazaqstandyq opera ánshisi. Shilde aiynda ol Beijiń men Sian sahnalarynda «Figaronyń úilenýi» operasyndaǵy grafinia Almavivanyń partiiasyn alǵash ret oryndaidy.
Ámre laqap atymen tanymal Ernar Sadyrbaev – elimizdegi ámbebap vokalisterdiń biri. Ol – Pop, klassika jáne latyn mýzykasynyń yrǵaqtaryn ushtastyra alatyn naǵyz daryn iesi. Ánshi Qazaqstan atynan Reseide ótetin «Intervidenie-2025» finalynda óner kórsetedi.
Aldaǵy kúzde «ZHULDYZDY ZHOL 2025» atty ulttyq mýzykalyq joba bastalady. Bul saiys – jas mýzykanttar úshin sheberligin shyńdap, elge tanylýǵa múmkindik beredi. Jeńimpazdar elimizdiń jáne sheteldik úzdik oqý oryndarynda bilim alýǵa granttar, stipendiialar utyp, bedeldi sahnalarda óner kórsetý múmkindigine ie bolady.
Osylaisha, otandyq ónerpazdar talai kórermenniń júreginen oryn alyp, qazaqtyń únin, bolmysy men ónerin álemge pash etip keledi.
