Beijińdegi TMD elderiniń diplomatiialyq missiialarynyń ókilderi Naýryz ben qysty shyǵaryp salý meiramy – Maslenitsany atap ótti, dep habarlaidy "Ult aqparat".
Beijińde akkredittelgen diplomatiialyq korpýs pen halyqaralyq uiymdardyń basshylary is-sharanyń qurmetti qonaǵy boldy. Qatysýshy elderdiń diplomatiialyq missiialary basshylarynyń quttyqtaý sózderinen keiin merekelerge orai Maslenitsa men Naýryzdy qarsy alý dástúrleri jaily beinerolikter kórsetildi.
Aita keteiik, is-sharany uiymdastyrýshylar mádeni baǵdarlamaǵa kóp kóńil bóldi. «Rýsskii sývenir» balalar ansambli «Varenka» kompozitsiiasyn oryndady, Giýnai Alieva kórermenderdi ázerbaijandyq «Nelbeki» ulttyq biimen (keselermen bileý) tańǵaldyrdy. Sondai-aq qonaqtarǵa Bimurat Mural Nurǵisa Tilendievtiń áigili «Aqqý» kúii shertip berdi, Faromýz Pirmýhamedovtyń oryndaýynda «Dýshanbe týraly án» shyrqaldy jáne kóne belarýs bii «Gýkanne Viasny» usynyldy.
Keshke arnalyp, bai dastarhan jaiyldy. «Gastronomiialyq mereke» alańynda ulttyq taǵamdar qoiyldy. Qazaqstandyq aspazdar naýryz kóje, baýyrsaq jáne jent usyndy. Qonaqtarǵa kóktem men jańarý merekesiniń basty taǵamy – Naýryz kóje erekshe unady. Dolma, liýlia-kebab jáne pahlavany – ázerbaijan halqy, quimaq, bálish pen toqashty (kýlebiaka) orys aspazdary usyndy.
Saltanatty is-sharany Ázerbaijan, Belarýs, Qazaqstan, Qyrǵyzstan, Resei jáne Tájikstannyń QHR-daǵy elshilikteri birlesip uiymdastyrdy.
