Almatyda 2022 jyly Beijińde ótetin qysqy Olimpiada oiyndaryna qatysýǵa litsenziia alǵan sportshylardyń esimderi belgili boldy, dep habarlaidy QazAqparat.
Bul týraly onlain brifing barysynda Almaty qalalyq Sport basqarmasynyń basshysy Rústem Baiseiitov málim etti.
«Almatylyq sportshylar skandinaviialyq kombinatsiia men fristail akrobatikadan 5 litsenziiany jeńip aldy. Bul tizimde Shyńǵys Rakparov, Janbota Aldabergenova, Aqmarjan Qalmýrzaeva bar. Taǵy 8 litsenziia konkimen júgirý, shańǵy tramplini, áielder hokkeii, mánerlep syrǵanaý jáne taý shańǵysy boiynsha josparlanǵan», - dedi Rústem Baiseiitov.
Spiker Beijińde ótetin XXIV Qysqy Olimpiada oiyndaryna daiyndyq qyzý júrip jatqanyn tilge tiek etti.
