Sport jáne dene shynyqtyrý isteri komitetiniń tóraǵasy Samat Erǵaliev ortalyq kommýnikatsiialar qyzmetinde ótken brifingide Beijińdegi paralimpiada oiyndaryna qatysý úshin qansha qarajat jumsalǵanyn aitty, dep habarlaidy QazAqparat.
Paralimpiada sportshylaryn Beijińdegi jarysqa aparý úshin biýdjetten qansha qarajat shyǵyndaldy?
Ortalyq kommýnikatsiialar qyzmetinde ótken brifingide QR Mádeniet jáne sport ministrligi sport jáne dene shynyqtyrý isteri komitetiniń tóraǵasy Samat Erǵalievke osyndai suraq qoiyldy.
«Bizdiń sportshylardyń Beijińdegi paralimpiada oiyndaryna qatysýy úshin 3 ailyq daiyndyǵyna 119 mln teńge ketken. 119 mln teńgeniń ishinde qatysý úshin jobasy 50 mln teńgedeii jumsaldy. Onyń ishinde bizdiń sportshylarymyz ben qurama komanda arnaiy kiimdermen jabdyqtaldy», - dedi komitet bastyǵy.
Onyń aitýynsha, Qazaqstan óz tarihynda úsh ret paralimpiada medaline qol jetkizgen.
«2022 jylǵy 8 naýryzda Aleksandr Gerlits parabiatlonnan 10 shaqyrym qashyqtyqta úzdik úshtikke enip, qola medalǵa qol jetkizdi. Bul - táýelsizdik alǵan jyldardan bergi Qazaqstan qurama komandasynyń qysqy Paralimpiada oiyndaryndaǵy úshinshi medali», - dedi Samat Erǵaliev.
Komitettiń málimeti boiynsha, Qazaqstan tarihynda qysqy Paralimpiada oiyndarynda bizdiń sportshylar 1 kúmis jáne 1 altyn medal alǵan.
