Beijiń biligi koronavirýstyń taralýyna jol bermeý maqsatynda mamyr aiyndaǵy mereke kúnderi obektilerdegi sanitarlyq-epidemiologiialyq talaptardyń oryndalýyna baqylaýdy kúsheitti, dep habarlaidy QazAqparat.
Sanitarlyq sharalar kólik nysanda, sport jáne kórme keshenderi, mádeniet jáne sport, saýda, qoǵamdyq tamaqtandyrý obektileri nysandarynda, qonaqúiler, memlekettik uiymdar jáne meditsinalyq mekemelerde engizilgen.
Qalalyq Aýrýlardy qadaǵalaý jáne aldyn alý ortalyǵy basshysynyń orynbasary Pan Sinho Qytai astanasynyń turǵyndary mamyr merekeleri kezinde qoǵamdyq oryndarǵa kirýi úshin qoldarynda 48 saǵattan erte emes tapsyrylǵan PTR testisiniń teris nátijesi jáne arnaiy QR-kod bolýy tiis ekenin aitty.
5 mamyrdan bastap Beijiń turǵyndary men qonaqtary qoǵamdyq oryndarǵa kirý jáne qoǵamdyq kólikke miner kezde sońǵy jeti kúnge jaramdy PTR synamasyn usynýy kerek.
Mamyr merekeleri kezinde koronavirýs juqtyrǵandardyń eń kóp sany anyqtalǵan qalalyq Chaoian iskerlik aýdanynyń turǵyndary COVID-19 virýsyna jappai testileýdiń úsh kezeńinen qaita ótýi tiis. Qala biliginiń málimetinshe, 3 mamyrdan bastap Beijińde koronavirýsqa PTR test tegin júrgiziledi.
Merekeden keiin stýdentter men kásiporyn qyzmetkerleri jumysqa nemese oqýǵa barý úshin teris PTR teris nátijesin kórsetýi tiis.
Sońǵy táýlikte Beijińde koronavirýs juqtyrýdyń 54 jańa oqiǵasy tirkeldi. 22 sáýirden beri Qytai astanasynda 280-nen astam adam COVID-19 infektsiiasyn juqtyrǵan.
Resmi statistikaǵa sáikes, ótken táýlikte qurlyqtyq Qytaida koronavirýs infektsiiasyn juqtyrýdyń 10,7 myń jaǵdaiy tirkeldi. Óz kezeginde, ótken táýlikte elde birneshe apta boiy aýrýǵa shaldyǵýdyń eń joǵary resmi kórsetkishi tirkelgen Shanhaida COVID-19 infektsiiasynyń 10,1 myńnan astam jaǵdaiy anyqtaldy.
