eirýt gýbernatory Marvan Abbýd seisenbi kúni portta bolǵan jarylystyń shyǵyny 3-5 mlrd dollardy quraǵanyn málim etti, dep habarlaidy LBC telearnasy.
Abbýdtyń aitýynsha, oqiǵa ornyna jiberilgen 10 órt sóndirýshi mert bolǵan. Sonymen qatar, júzdegen qala turǵyny baspanasyz qaldy.
Qýatty jarylys Beirýt porty mańynda, Livan ÁTK bazasyna jaqyn jerde boldy. Jarylys tolqyny ondaǵan úi men avtokólikti qiratty, el astanasynyń kóp bóligindegi ǵimarattardyń terezesi synǵan. Jergilikti bilik ókilderiniń málimeti boiynsha, 2015 jyly keden qyzmeti tárkilep, qoimada saqtalyp turǵan 2,7 myń tonna ammiak selitrasynyń detonatsiiasy jarylysqa sebep bolǵan.
Keiingi málimetter boiynsha, 100-den astam adam qaza taýyp, 4 myńnan astam turǵyn zardap shekti. Elde aza tutý kúni jariialandy. Apat aimaǵy dep tanylǵan Beirýtta eki aptalyq tótenshe jaǵdai rejimi engizildi.
