Mańǵystaý oblysy Beineý aýylynyń turǵyny loto-klýbty órtep, isin videoǵa túsirgen. Oqiǵa 3 aqpanda bolǵan, - dep habarlaidy Tengrinews.kz tilshisi.
Oqiǵanyń videosy áleýmettik jeliler men messendjerlerde paida boldy. Ózin kameraǵa túsirgen er adamnyń aitýynsha, "mundai oiyndar adamdar men jastardy qyzyqtyrady, qumarlyq - aýrý". Ol barlyq qyzmetkerden órt aldynda ǵimaratty bosatýyn suraǵanyn aitty. Óitkeni "eshkimge ziian tigizgisi kelmegen".
Politsiia málimetinshe, oiyn klýby ǵimaratyndaǵy órt týraly qońyraý shamamen 11.00-de kelip túsken.
"Oqiǵa ornyna kelgen politsiia jasaǵy er adamdy ustady. 36 jastaǵy er adam kinásin moiyndady. Sondai-aq, ol WhatsApp messendjerinde Loto oiyn klýbyna qalai ot qoiatynyn kórsetetin video taratqanyn aitty", - dedi politsiia qyzmetkeri.
Bul derekke qatysty Qylmystyq kodekstiń 202-baby "Bótenniń múlkin qasaqana joiý nemese búldirý" boiynsha sotqa deiingi tergeý bastaldy.
