Beibit jinalystardy ótkizý týraly zań jobasy halyqaralyq tájiribege sai keledi. Bul týraly Májiliste ótken zań jobasynyń tanystyrylymy barysynda zań ǵylymdarynyń doktory, professor Sáýle Amandyqova málim etti, dep habarlaidy QazAqparat.
«Qarastyrylyp otyrǵan jańa zań jobasy halyqaralyq tájiribege sáikes jazylǵan. Osy oraida halyqaralyq-quqyqtyq qujattarǵa aitarlyqtai úlken taldaý júrgizildi, onyń ishinde sheteldegi tiisti zańdardaǵa normalar qaraldy. Atap aitqanda, Ulybritaniia, AQSh, Frantsiia, Germaniia jáne ózge de elderdiń tájiribesi qarastyryldy», - dedi S. Amanjyqova tilshilerge bergen suhbatynda.
Sonymen qatar sarapshy usynylǵan zań jobasy barlyq talaptarǵa sáikes keletindigin jetkizdi.
«Shetel zańnamasy mitingilerge qatysýshylardyń, uiymdastyrýshylardyń úlken jaýapkershiligin eskergen. Bul óz kezeginde Qazaqstan Respýblikasy memleketi men azamattarynyń ózara jaýapkershiliginiń konstitýtsiialyq-quqyqtyq qaǵidasyna sáikes keletinin atap ótken jón. Eger memleket atalǵan shara elimizdiń zańnamasy talaptaryna sáikes ótkiziletinine jaýap berse, onda uiymdastyrýshylar da, jinalysqa qatysýshylar da Qazaqstannyń zańdaryn oryndaityndyǵyna jaýapty bolsa, bul jaǵdai halyqaralyq tájiribege sai keledi», - dedi professor.
Aita keteiik, búgin Parlament Májilisinde «Qazaqstan Respýblikasynda beibit jinalystardy uiymdastyrý jáne ótkizý tártibi týraly» zań jobasy tanystyryldy.
QR Aqparat jáne qoǵamdyq damý ministri Dáýren Abaevtyń sózine qaraǵanda, qujat jobasynda beibit jinalystardy uiymdastyrýshylardyń, qatysýshylardyń quqyqtary men mindetteri naqty aiqyndalady.
«Uiymdastyrýshylardyń, qatysýshylardyń quqyqtary men mindetteri naqty aiqyndalatyn bolady. BAQ salasyndaǵy ókiletti organ beibit jinalystarǵa qatysatyn jýrnalist qyzmetiniń erejesin, jýrnalistik aiyrmashylyq belgisi pishinin qabyldaityn bolady. Uiymdastyrýshylar úshin beibit jinalystardy ótkizýdiń yńǵaily bolýy maqsatynda uiymdastyrýshylardyń aiyrmashylyq belgileriniń pishini qabyldanady», - dedi Dáýren Abaev.
