بەيبٸت جينالىستاردى ٶتكٸزۋ تۋرالى زاڭ جوباسى حالىقارالىق تەجٸريبەگە ساي كەلەدٸ. بۇل تۋرالى مەجٸلٸستە ٶتكەن زاڭ جوباسىنىڭ تانىستىرىلىمى بارىسىندا زاڭ عىلىمدارىنىڭ دوكتورى, پروفەسسور سەۋلە اماندىقوۆا مەلٸم ەتتٸ, دەپ حابارلايدى قازاقپارات.
«قاراستىرىلىپ وتىرعان جاڭا زاڭ جوباسى حالىقارالىق تەجٸريبەگە سەيكەس جازىلعان. وسى ورايدا حالىقارالىق-قۇقىقتىق قۇجاتتارعا ايتارلىقتاي ٷلكەن تالداۋ جٷرگٸزٸلدٸ, ونىڭ ٸشٸندە شەتەلدەگٸ تيٸستٸ زاڭدارداعا نورمالار قارالدى. اتاپ ايتقاندا, ۇلىبريتانييا, اقش, فرانتسييا, گەرمانييا جەنە ٶزگە دە ەلدەردٸڭ تەجٸريبەسٸ قاراستىرىلدى», - دەدٸ س. امانجىقوۆا تٸلشٸلەرگە بەرگەن سۇحباتىندا.
سونىمەن قاتار ساراپشى ۇسىنىلعان زاڭ جوباسى بارلىق تالاپتارعا سەيكەس كەلەتٸندٸگٸن جەتكٸزدٸ.
«شەتەل زاڭناماسى ميتينگٸلەرگە قاتىسۋشىلاردىڭ, ۇيىمداستىرۋشىلاردىڭ ٷلكەن جاۋاپكەرشٸلٸگٸن ەسكەرگەن. بۇل ٶز كەزەگٸندە قازاقستان رەسپۋبليكاسى مەملەكەتٸ مەن ازاماتتارىنىڭ ٶزارا جاۋاپكەرشٸلٸگٸنٸڭ كونستيتۋتسييالىق-قۇقىقتىق قاعيداسىنا سەيكەس كەلەتٸنٸن اتاپ ٶتكەن جٶن. ەگەر مەملەكەت اتالعان شارا ەلٸمٸزدٸڭ زاڭناماسى تالاپتارىنا سەيكەس ٶتكٸزٸلەتٸنٸنە جاۋاپ بەرسە, وندا ۇيىمداستىرۋشىلار دا, جينالىسقا قاتىسۋشىلار دا قازاقستاننىڭ زاڭدارىن ورىندايتىندىعىنا جاۋاپتى بولسا, بۇل جاعداي حالىقارالىق تەجٸريبەگە ساي كەلەدٸ», - دەدٸ پروفەسسور.
ايتا كەتەيٸك, بٷگٸن پارلامەنت مەجٸلٸسٸندە «قازاقستان رەسپۋبليكاسىندا بەيبٸت جينالىستاردى ۇيىمداستىرۋ جەنە ٶتكٸزۋ تەرتٸبٸ تۋرالى» زاڭ جوباسى تانىستىرىلدى.
قر اقپارات جەنە قوعامدىق دامۋ مينيسترٸ دەۋرەن اباەۆتىڭ سٶزٸنە قاراعاندا, قۇجات جوباسىندا بەيبٸت جينالىستاردى ۇيىمداستىرۋشىلاردىڭ, قاتىسۋشىلاردىڭ قۇقىقتارى مەن مٸندەتتەرٸ ناقتى ايقىندالادى.
«ۇيىمداستىرۋشىلاردىڭ, قاتىسۋشىلاردىڭ قۇقىقتارى مەن مٸندەتتەرٸ ناقتى ايقىندالاتىن بولادى. باق سالاسىنداعى ٶكٸلەتتٸ ورگان بەيبٸت جينالىستارعا قاتىساتىن جۋرناليست قىزمەتٸنٸڭ ەرەجەسٸن, جۋرناليستٸك ايىرماشىلىق بەلگٸسٸ پٸشٸنٸن قابىلدايتىن بولادى. ۇيىمداستىرۋشىلار ٷشٸن بەيبٸت جينالىستاردى ٶتكٸزۋدٸڭ ىڭعايلى بولۋى ماقساتىندا ۇيىمداستىرۋشىلاردىڭ ايىرماشىلىق بەلگٸلەرٸنٸڭ پٸشٸنٸ قابىلدانادى», - دەدٸ دەۋرەن اباەۆ.
