Búkilálemdik boks qaýymdastyǵy birinshi aýyr salmaqtaǵy uiymnyń «qarapaiym» chempiony qazaqstandyq Beibit Shúmenov pen (18-2, 12KO) belgiialyq úmitker Riiad Merhi (29-1, 24KO) arasyndaǵy jekpe-jekti taǵaiyndady, dep habarlaidy "Ult aqparat".
VKontakte áleýmettik jelisindegi Qazaqstannyń kásipqoi boks paraqshasynda jariialanǵan aqparatqa sáikes, WBA eki tarapty da ózderiniń erejesine orai boksshy chempion bolǵannan keiin árbir 9 aida resmi úmitkerge qarsy ataǵyn qorǵaýǵa mindetti ekendigin habarlaǵan. Al Beibit Shúmenov 2018 jyldyń 7 shildesinde WBA Regular belbeýin jeńip alǵan edi jáne 2019 jyldyń 6 sáýirinde ony mindetti túrde qorǵaýy tiis bolatyn. Osylaisha, qazaqstadyq belbeýin qorǵaý jekpe-jegin 1 jylǵa keshiktirip otyr. Sondyqtan qazaqstandyq boksshy «ýaqytsha» chempion ári resmi úmitker sanalatyn Merhimen tez arada jekpe-jekke shyǵýy tiis.
Shúmenov pen Merhi komandasynda kelissóz ótkizýge 30 kún bar. Merzim 2020 jyldyń 31 jeltoqsanynda aiaqtalady. Eger atalǵan merzim ishinde taraptar ýaǵdalastyqqa qol jetkizbese nemese taraptardyń biri kelisimshartqa qol qoiýdan bas tartsa, onda WBA jekpe-jekti promoýterlik saýda-sattyqqa shyǵarady.
Esterińizge sala ketsek, Beibit Shúmenov sońǵy jekpe-jegin 2018 jyldyń shildesinde Qazaqstanda ótkizip, onda túrik boksshysy Hizni Altýnkaidy nokaýtpen jeńgen bolatyn. Al Merhi osy jyldyń qazaq aiynda Belgiianyń Sharlerýa qalasynda sharshy alańǵa shyǵyp, jeńilip kórmegen vengerlik Imre Sellony (24-1, 16KO) 7-raýndta nokaýtqa jibergen edi.
